საზოგადოება

1 დაღუპული, 2 დაშავებული - გომბორის უღელტეხილზე მომხდარ ავარიას მსხვერპლი მოჰყვა

გომბორის უღელტეხილზე გუშინ მომხდარ ავარიას ერთი ადამიანი ემსხვერპლა, ხოლო 2 დაშავებული სასწრაფომ თბილისის პირველ კლინიკურ საავადმყოფოში გადაიყვანა.

ერთმანეთს შეეჯახნენ „ვაზ-2107“-ისა და „პიკაპის“ მარკების ავტომობილები.

გამოძიება საქართველოს სისხლის სამართლის კოდექსის 276-ე მუხლის მეხუთე ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია. ისჯება თავისუფლების აღკვეთით 4-დან 7 წლამდე ვადით, თანამდებობის დაკავების ან საქმიანობის უფლების ჩამორთმევით სამ წლამდე ვადით.

ანა მებურიშვილი