საზოგადოება
106 ქვეყანას შორის მხოლოდ საქართველოსა და განაში ახალგაზრდები ასაკოვან ხალხზე უფრო რელიგიური აღმოჩნდა
Pew Research Center-ის კვლევით, 106 ქვეყნიდან მხოლოდ ორში - საქართველოსა და განაში ახალგაზრდები ( 18-დან 39 წლამდე ) ასაკოვნებზე ( 40 წელს ზემოთ ასაკის ხალხი) უფრო რელიგიურები აღმოჩნდნენ. მაგალითად, საქართველოში ახალგაზრდების რაოდენობა, რომლებიც თავს რელიგიურებად მიიჩნევენ, 8%-ით აღემატება ასაკოვანი ხალხის მაჩვენებელს.
106-დან 46 ქვეყანაში ახალგაზრდები ნაკლებად საუბრობენ იმაზე, თუ რამდენად მნიშვნელოვანია მათთვის რელიგია ასაკოვნებისგან განსხვავებით. პოლონეთში, საბერძნეთში, ჩილეში, რუმინეთსა და პორტუგალიაში რელიგიური უფროსების რაოდენობა 20% და მეტი პროცენტით აჭარბებს რელიგიური ახალგაზრდების რაოდენობას. აშშ-ში ეს მაჩვენებელი 17%-ს შეადგენს, ხოლო დიდი ბრიტანეთი იმ 58 ქვეყანაში შევიდა, სადაც ასაკოვანი და ახალგაზრდა ადამიანების რელიგიურობის მაჩვენებლებს შორის საგრძნობი სხვაობა არ დაფიქსირებულა.
ძირითადად, სხვაობა ასაკობრივ კატეგორიებს შორის იმ ქვეყნებში ვლინდება, სადაც ქრისტიანობაა დომინანტური რელიგია. მაჰმადიანურ ქვეყნებში ეს სხვაობა ნაკლებია. მაგალითად, ირანში მხოლოდ 9%-იანი განსხვავება დაფიქსირდა.