კონფლიქტის ზონა

12 ნოემბერს სერგეი ლავროვი ოკუპირებული სამხრეთ ოსეთის დე-ფაქტო საგარეო საქმეთა მინისტრს შეხვდება

12 ნოემბერს მოსკოვში რუსეთის საგარეო საქმეთა მინისტრი სერგეი ლავროვი ოკუპირებული სამხრეთ ოსეთის დე-ფაქტო საგარეო უწყების ხელმძღვანელ დიმიტრი მედოევს შეხვდება. ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა.

„10-13 ნოემბერს სამხრეთ ოსეთის საგარეო საქმეთა მინისტრი სამუშაო ვიზიტით მოსკოვს ეწვევა. რუსეთის საგარეო საქმეთა მინისტრ სერგეი ლავროვისა და მისი კოლეგის 12 ნოემბრისთვის დანიშნული მოლაპარაკებების ფარგლებში ორმხრივი ურთიერთობების დღის წესრიგის საკვანძო საკითხებზე აზრების საფუძვლიანი გაცვლა მოხდება“, -აღნიშნა ზახაროვამ.

მისივე თქმით, მხარეები ისაუბრებენ ოკუპირებული ცხინვალის საერთაშორისო პოზიციის გაძლიერებასა და ურთიერთმოქმედებაზე ჟენევის მოლაპარაკებებში ამიერკავკასიის უსაფრთხოებისა და სტაბილურობის საკითხში.