საზოგადოება
13 და 14 ოქტომბერს მცხეთა საერო დღესასწაულისთვის ემზადება
მცხეთა საერო დღესასწაულისთვის „მცხეთობა-სვეტიცხოვლობისთვის“ ემზადება, ღონისძიებები 13,14 ოქტომბერს გაიმართება.
სადღესასწაულო პროგრამა კონცერტებს, არაერთ გამოფენას და სპორტულ აქტივობებს მოიცავს. ერთ-ერთი მთავარი ღონისძიება 13 ოქტომბერს მცხეთის კულტურის ცენტრში დაგეგმილი თბილისის ბიგ-ბენდის საქველმოქმედო კონცერტია, 14 ოქტმბრის დღის განრიგი სვეტიცხოვლის საკათედრო ტაძარში საზეიმო წირვა-ლოცვით დაიწყება. წირვას აღავლენს სრულიად საქართველოს კათოლიკოს-პატრიარქი, უწმინდესი და უნეტარესი ილია II.
ღონისძიებას დაესწრებიან ოფიციალური პირები, ასევე ქალაქ მცხეთასთან დამეგობრებული ქლაქების პირველი პირები (ბულგარეთი,უკრაინა,თურქეთი,ბელარუსია,იაპონია).
ღონისძიების მსვლელობის დროს მცხეთის მუნიციპალიტეტის მერი ბატონი გიორგი კაპანაძე 2018 წლის მცხეთის საპატიო მოქალაქეებს დააჯილდოვებს.