უკან

უახლესი ამბები

დღის კალენდარი

ანონსები

არქივი

საზოგადოება

28 დეკემბერი, 2017 14:10
font-size

14 ქუჩაზე მიკროავტობუსები მხოლოდ საზოგადოებრივი ტრანსპორტისთვის განსაზღვრულ ადგილებში გაჩერდებიან

თბილისის მერიამ დედაქალაქში ის 14 ქუჩა განსაზღვრა, სადაც მიკროავტობუსებს გაჩერება მხოლოდ საზოგადოებრივი ტრანსპორტისთვის განსაზღვრულ ადგილებში შეეძლებათ.

ამის შესახებ თბილისის მერის მოადგილე მაია ბითაძემ დღეს გამართულ ბრიფინგზე განაცხადა და ის ქუჩები დაასახელა, სადაც პირველ ეტაპზე, აღნიშნული საპილოტე პროექტი ამოქმედდება.

კერძოდ, მომავალი წლის თებერვლიდან, მიკროავტობუსები გაჩერებას ვაჟა-ფშაველას, შოთა რუსთაველის, ალექსანდრე ყაზბეგის, დავით აღმაშენებლის, ილია ჭავჭავაძის, მარშალ გელოვანის გამზირებზე, მერაბ კოსტავას, პეტრე მელიქიშვილის, ვახტანგ გორგასლის, ჟიული შარტავას, პეკინის, ჯორჯ ბუშის ქუჩებზე, ასევე, დავით აღმაშენებლის ხეივანსა და კახეთის გზატკეცილზე მხოლოდ გაჩერებებზე შეძლებენ.

„პირველ ეტაპზე, თბილისის მერიისა და შინაგან საქმეთა სამინისტროს მხრიდან და ჩვენი ექსპერტების დახმარებით, თბილისში 14 ქუჩა შეირჩა, სადაც 2018 წლის თებერვლის ბოლოდან, სამარშრუტო ტაქსები ვალდებული იქნებიან, მგზავრთა აყვანა და ჩამოსხმა მხოლოდ მოსაცდელებზე მოახდინონ. აღნიშნული საპილოტე პროექტის, რომელიც მომავალი წლის განმავლობაში, მთელ თბილისზე ეტაპობრივად გავრცელდება, მთავარი მიზანია, ჩვენი თანამოქალაქეების უსაფრთხოება უზრუნველყოს და მეორე მხრივ, მაქსიმალურად შეუწყოს ხელი დედაქალაქის ხელოვნური საცობებისგან განტვირთვას”, - განაცხადა მაია ბითაძემ.

მისივე თქმით, ორი თვის ვადაში, თბილისის მერიის მუნიციპალიტეტის შესაბამისი სამსახურები დაახლოებით, 259 მოსაცდელის ორგანიზებას უზრუნველყოფენ, მათ შორის, მათი გაფართოების კუთხით, შესაბამისი ინფრასტრუქტურული სამუშაოები გატარდება, რათა ავტობუსებთან ერთად, სამარშრუტო ტაქსების გაჩერებამ საგზაო მოძრაობა არ შეაფერხოს.

„ამასთან, განხორციელდება შესაბამისი სამართლებრივი ცვლილებები, როგორც თბილისში დარეგისტრირებულ ოთხ სამარშრუტო კომპანიაზე, ასევე, ვთანამშრომლობთ რუსთავის მერიასთან, რომელიც რუსთავის სამარშრუტო კომპანიებთან საკითხს დაარეგულირებს”, - აღნიშნა თბილისის მერის მოადგილემ.

მარშრუტზე მიკროავტობუსების მიერ მოძრაობის ახალი წესის ადმინისტრირებაში მერიის სამსახურებთან ერთად, საპატრულო პოლიცია მიიღებს მონაწილეობას.

„ეს მნიშვნელოვანი ინოვაციაა იმ მიმართულებით, რომ გარკვეულწილად, ის მდგომარეობა დარეგულირდეს, რომელიც დღეს თბილისში არსებობს. მომავალი წლის თებერვლისთვის, საორგანიზაციო საკითხები დამთავრდება და ნორმატიულ დოკუმენტებში აისახება, რომლის შემდეგაც, აღნიშნული პროექტის განხორციელება დაიწყება. დარწმუნებული ვართ იმაში, რომ პროექტის შედეგს ახლო მომავალში ყველა ერთად დავინახავთ“, - განაცხადა საპატრულო პოლიციის დეპარტამენტის დირექტორის მოადგილე ლევან მაჭავარიანმა.

თბილისის მერიის ინფორმაციით, საპილოტე პროექტის ფარგლებში, პარამეტრების ცვლილებიდან გამომდინარე, ასევე, ხუთი გაჩერების ადგილმონაცვლეობაა გათვალისწინებული.

საკვანძო სიტყვები:

აღსრულების ეფექტური მექანიზმი სახელმწიფოს არათუ უფლება, არამედ პირდაპირი ვალდებულება და პასუხისმგებლობაა - კახა ბექაური

10 ივლისი, 2020 , 12:50

კომუნიკაციების კომისიის თავმჯდომარე კახა ბექაურმა დღეს დარგობრივი კომიტეტის სხდომაზე „ელექტრონული კომუნიკაციების“ შესახებ საქართველოს კანონში შესატანი ცვლილებების პაკეტი წარადგინა. კომისიის თავმჯდომარემ ცვლილ

გიორგი გახარია გარემოსდაცვითი საკანონმდებლო ცვლილებების პაკეტის მიღებაზე - ყველაფერს გავაკეთებთ, რომ პარლამენტში, მაქსიმალურად სწრაფად მოხდეს ამ საკანონმდებლო ინიციატივის მიღება

10 ივლისი, 2020 , 12:50

ეკოლოგიური საკითხები მთავრობისთვის არის ერთ-ერთი პრიორიტეტული საკითხები, - ამის შესახებ საქართველოს პრემიერ-მინისტრმა გიორგი გახარიამ ჟურნალისტის კითხვის საპასუხოდ განაცხადა, რომელიც გარემოსდაცვითი საკანონმდებლო ცვლილებე

ჩვენ ყველამ ერთად, ხელახლა უნდა აღმოვაჩინოთ ჩვენი სამშობლო, საქართველო - გიორგი გახარია

10 ივლისი, 2020 , 12:50

ჩვენ ვიწყებთ შიდა ტურიზმის მხარდაჭერას, ჩვენ ხელახლა უნდა აღმოვაჩინოთ ჩვენი სამშობლო, ყველა ის ადგილი, რომელიც შესაძლებელია იყოს დავიწყებული, ჩვენს ოჯახის წევრებთან, შვილებთან ერთად, ხელახლა უნდა ვნახოთ ეს ყველაფერი, რათ

საერთაშორისო რანგის ქართველი ექსპერტები ერთხმად აღიარებენ, რომ ქვევრის ღვინის ხარისხი ყოველწლიურად უმჯობესდება - ღვინის ეროვნული სააგენტო

10 ივლისი, 2020 , 12:15

ქვევრის ღვინის საერთაშორისო კონკურსი უკვე მეოთხედ გაიმართა. როგორც „მედიანიუსს“ ღვინის ეროვნული სააგენტოდან აცნობეს, კონკურსის მიზანი საუკეთესო ქვევრის ღვინოების წარდგენა, ქვევრის ღვინის წარმოებისა და რეალიზა

„ცხოველთა მონიტორინგის სააგენტო“ 359 500 ლარის ავტომანქანებში გაფლანგვას აპირებს - „თავისუფალი საქართველო“

10 ივლისი, 2020 , 12:15

„თავისუფალი საქართველოს“ ერთ-ერთი ლიდერი შოთა მაქაცარია სსიპ „ცხოველთა მონიტორინგის სააგენტოს“ მიერ გამოცხადებულ ტენდერს ეხმაურება. პარტიის ცნობით, როგორც სახელმწიფო შესყიდვების სააგენტოს მიერ გამ

სასაზღვრო პოლიციის სანაპირო დაცვას კავშირგაბმულობის აღჭურვილობა გადაეცა

10 ივლისი, 2020 , 11:10

შინაგან საქმეთა სამინისტროს სასაზღვრო პოლიციის სანაპირო დაცვას, აშშ-ის საელჩოს თავდაცვის საფრთხეების შემცირების სააგენტოს (DTRA) ფინანსური მხარდაჭერით, კავშირგაბმულობის თანამედროვე აღჭურვილობა და საკომუნიკაციო საშუალებებ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე