პოლიტიკა

15 საათზე იუსტიციის უმაღლეს საბჭოში უვადო მოსამართლეობის მსურველი კანდიდატების კენჭისყრა ჩატარდება

დღეს, 15 საათზე იუსტიციის უმაღლეს საბჭოში უვადო მოსამართლეობის მსურველი კანდიდატების კენჭისყრა გაიმართება. თავდაპირველად საბჭოში უვადო მოსამართლეობაზე განაცხადი 51-მა კანდიდატმა შეიტანა, აქედან ერთმა კანდიდატმა, ასმათ კოხრეიძემ უვადოდ განმწესებაზე უარი თქვა, შესაბამისად, სულ საბჭო 50 კანდიდატს გაესაუბრა.

იუსტიციის უმაღლესი საბჭო უვადო მოსამართლეობის მსურველ კანდიდატებს ორი კრიტერიუმის - კეთილსინდისიერებისა და კომპეტენციის გათვალისწინებით ირჩევს. იმისთვის, რომ კანდიდატი უვადოდ განმწესდეს, მან კენჭისყრის დროს საბჭოს წევრთა მინიმუმ ათი ხმა უნდა დააგროვოს. ამასთან, როგორც ცნობილია, უვადოდ განმწესების მსურველთა შორის იუსტიციის უმაღლეს საბჭოში დღეს მოქმედი წევრები არიან. კერძოდ, ირაკლი ბონდარენკო, რომელიც ამავდროულად, თბილისის სააპელაციო სასამართლოს სამოქალაქო საქმეთა კოლეგიის მოსამართლეა. ასევე, რეზო ნადარაია, რომელიც სააპელაციო სასამართლოს სისხლის სამართლის საქმეთა კოლეგიის მოსამართლეა.

იუსტიციის უმაღლეს საბჭოში უვადო მოსამართლეობის მსურველ კანდიდატებთან გასაუბრების პროცესი მიმდინარეობა 6, 7 და 8 თებერვალს.