პოლიტიკა

15:00 საათისთვის ამომრჩეველთა აქტივობამ 29.84% შეადგინა

15:00 საათისთვის ამომრჩეველთა აქტივობამ 29.84% შეადგინა, რაც რაოდენობრივად 1026430 ამომრჩეველს წარმოადგენს. ინფორმაცია მედიის წარმომადგენლებს ცესკო-ს პრესსპიკერმა, ანა მიქელაძემ გააცნო.

მისი თქმით, ყველაზე მაღალი აქტივობა რაჭა-ლეჩხუმში დაფიქსირდა 46%, ყველაზე მცირე შიდა ქართლში 25 %.

საარჩევნო ადმინისტრაცია კიდევ ერთხელ განმარტავს, რომ საარჩევნო სუბიექტების წარმომადგენლებს და დამკვირვებლებს უფლება აქვთ დააკვირდნენ ამომრჩველთა სიებში რეგისტრაციის პროცესს ნებისმიერი ადგილიდან.

„აქვე აღვნიშნავთ, რომ ცესკოს დადგენილების თანახმად, დაუშვებელია ისეთი ინფორმაციის გადაღება, რომელიც არ განეკუთვნება საჯარო ინფორმაციას, მათ შორის ამომრჩეველთა სიების საარჩევნო კომისიისათვის განკუთვნილი სამაგიდო ვერსია. შესაბამისად სამაგიდო ვერსიის ფოტო-ვიდეო გადაღება არის დაუშვებელი, ასევე საჯაროდ არ გაიცემა სამაგიდო სიების ასლები. ამასთან რეგისტრაციის სიებზე დაკვირვება უნდა განხორციელდეს ისე, რომ არ მოხდეს პერსონალური მონაცემების, პირადი ნომრის გამოყენება და კომისიის საქმიანობის ხელის შეშლა“- განაცხადა ცესკოს სპიკერმა ანა მიქელაძემ.

ნინო ექვთიმიშვილი