საზოგადოება

17 მაისს მღვდელმსახურები მრევლთან ერთად ვარდების მოედნისკენ მსვლელობას გამართავენ

17 მაისს, ჰომოფობიასთან და ტრანსფობიასთან საერთაშორისო დღის პარალელურად საქართველოს საპატრიარქო ოჯახის სიწმინდის დღესთან ერთად ამაღლების დღესასწაულსაც აღნიშნავს. ამის შესახებ საპატრიარქოს ჟურნალი კარიბჭე წერს. გამოცემის ინფორმაციით, წელს თბილისის ყველა ტაძრის მღვდელმსახური თავის მრევლთან ერთად 12 საათისთვის ვარდების მოედანზე შეიკრიბება.

მანიფესტაციის მონაწილეები, რუსთაველის პროსპექტის გავლით, ქაშვეთის ეკლესიასთან დაგეგმილ ღონისძიებაში მიიღებენ მონაწილეობას. შემდეგ მარში გეზს აიღებს სამების ეკლესიისკენ, სადაც საყოველთაო ჯვრისწერა გაიმართება.

სამღვდელოებამ მღევლთან ერთად ოჯახის სიწმინდის დაცვის დრე წინ წელსაც ღნიშნა, რომლის პარალელურად მთავრობის ადმინისტრაციასთან ძალადობის წინააღმდეგ 17 მაისის აქცია მიმდინარეობდა. შეკრება ერთ საათს გაგრძელდა, ხოლო უსაფრთხოების ზომები მაქსიამლურად იყო გამკაცრებული, ხოლო ადგილზე შესასვლელი ყველა გზა კორდონებიტ იყო გადაკეტილი.

2014 წელს ილია მეორემ 17 მაისი ოჯახის სიწმინდისა და მშობლების პატივისცემის დღედ გამოაცხადა მას შემდეგ, რაც წინა წელს ლგბტ თემის წევრებმა ჰომოფობიასთან ბრძოლის დღის აღნიშვნა საჯაროდ დაიწყეს, როცა ლესბოსელები, გეები, ბისექსუალები, ტრანსგენდერი პირები, ინტერსექსები და ქვიარები მხარდამჭერებთან ერთად ეკონომიკური და სოციალური თანასწორობისთვის საბრძოლველად გამოდიან.

2013 წლის 17 მაისს ლგბტ თემის წევრები ცდილობდნენ, აქცია გაემართა პუშკინის სკვერში, რომელიც შემდგომში სამღვდელოებამ და მათმა მხარდამჭერებმა დაარბიეს.