საზოგადოება

2005 - 2012 წლებში გაყიდულია, გაძარცვულია და მიტაცებულია პროფკავშირების მილიონობით ქონება- დავით ოქიტაშვილი

პროფკავშირების თავმჯდომარეობის კანდიდატი დავით ოქიტაშვილი მთავარ პროკურატურას მიმართავს, რომ პროფკავშირებში შევიდეს და შეისწავლოს მდგომარეობა რომელიც 2005-2012 წლებში იყო.

ამის შესახებ ოქიტაშვილმა პრესკონფერენციაზე განაცხადა.

მისი მტკიცებით, 2005-2012 წლებში, როდესაც პროფკავშირებში დირექტორად ირაკლი პეტრიაშვილი დაინიშნა მილიონობით ქონება იქნა მიტაცებული.

„პროკურატურას მივმართავ თხოვნით არა მარტო მე, არამედ პროფკავშირების გაერთიანებაში შემავალი ძალიან ბევრი წევრის სახელით, რომ შევიდეს პროკურატურა და ერთხელ და სამუდამოდ საქართველოს მოსახლეობამ გაიგოს, თუ რა მავნებლურ პოლიტიკას აწარმოებდა პეტრიაშვილი 2005 წლიდან 2012 წლამდე. გაყიდულია, გაძარცვულია და მიტაცებულია მილიონობით ქონება”,-განაცხადა ოქიტაშვილმა.

მონიკა დავლიანიძე