უახლესი ამბები
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
არქივი
პოლიტიკა
2008 წელს საქართველომ დაიწყო ომი პრეზიდენტის სახით... ჩვენ დავბომბეთ ცხინვალი - იური მეჩითოვი
„საქართველომ დაიწყო, ზუსტად, პრეზიდენტის სახით“, - კულტურის მინისტრის ყოფილი მოადგილის, ფოტოგრაფ იური მეჩითოვის განცხადებით, აგვისტოს ომი საქართველომ დაიწყო. ამის შესახებ მან „კურიერთან“ სატელეფონო ინტერვიუში თქვა.
მისივე მტკიცებით, ქართულმა მხარემ დაბომბა ცხინვალი.
„2008 წელს, ჩვენ კარგად ვიცით, რომ ჩვენ დავიწყეთ ეს პროვოკაცია სააკაშვილის თამადობით, დავბომბეთ ცხინვალი - ქართული ქალაქი. მართალია, მანდ არავინ არ იყო, როგორც ამბობენ, მაგრამ ასეც არ იყო მთლად. და ამ ავანტიურით დაიწყო ეს ომი“, - განაცხადა მეჩითოვმა.
ჟურნალისტის შეკითხვაზე, ანუ, ჩვენ დავიწყეთ ომიო, მეჩითოვმა ასევე შეკითხვით მოუგო: „აბა, არა?“.
„აბა, არა? თქვენ საერთოდ ჭკუაზე ხართ? თქვენ სააკაშვილის გამოსვლები არ გინახავთ? მართლა არ გინახავთ არაფერი? ეს ხომ 10 წლის წინ იყო, არა 200 წლის წინ“, - განაცხადა მეჩითოვმა.
მეჩითოვის მტკიცებით, საქართველოს დადანაშაულება აგვისტოს ომის დაწყებაში მოღალატეობრივი პოზიცია არაა.
„მოღალატეობა და ანტისახელმწიფოებრივი მოქმედება არის ის, რომ ჩვენ ჯიუტად ვამბობთ, რომ ეს არ იყო ასე. ეს არის ანტისახელმწიფოებრივი პოზიცია, რომელიც ჩვენ გვაშორებს აფხაზებთან, გვაშორებს ოსეთთან, გვაშორებს ნებისმიერ მოლაპარაკებიდან, ასეთი პოზიცია, როცა ჩვენ ვამტკიცებთ იმას, რაც უკვე დაწერილია, აღიარებულია მთელ მსოფლიოში“, - განაცხადა ფოტოგრაფმა.