უკან

პოლიტიკა

25 ივლისი, 2017 18:50
font-size

2016 წელს ფინანსთა სამინისტროს აპარატის 40 თანამშრომელზე ყოველგვარი დასაბუთების გარეშე გაცემულია პრემია ზღვრული ოდენობის ზევით - აუდიტის სამსახური

სახელმწიფო აუდიტის სამსახურმა ფინანსთა სამინისტროს 2016 წლის აუდიტორული შემოწმების მასალები გამოაქვეყნა, რომლის მიხედვითც გამოვლენილია საჯარო რესურსების არამიზნობრივად ხარჯვის არაერთი ფაქტი.

2016 წელს სამინისტროს აპარატის 40 თანამშრომელზე გამონაკლისის სახით, ყოველგვარი დასაბუთების გარეშე, გაცემულია პრემია ზღვრული ოდენობის ზევით. კერძოდ, 3 დამხმარე მოსამსახურეს მიღებული აქვსპრემია თითეულს 17-ჯერ, 21 დამხმარე მოსამსახურეს - 16-ჯერ, 2 დამხმარე მოსამსახურეს - 15-ჯერ, ერთს- 8-ჯერ. აღსანიშნავია, რომ წლის განმავლობაში 19-მა მოხელემ თანამდებობრივი სარგოს შვიდმაგოდენობაზე მეტი პრემია მიიღო.

სამინისტროს მივლინების წლიურმა ხარჯებმა 305 545 ლარი შეადგინა. მათ შორის, 15 270 ლარი გახარჯულია ქვეყნის შიგნით, ხოლო 290 275 ლარი - ქვეყნის ფარგლებს გარეთ მივლინებებზე. უცხოეთში მივლინებების დროს ავიაბილეთების შეძენაზე გახარჯულია სულ 87 338 ლარი. სამინისტროს თითოეული მოხელე თავისი შეხედულებისამებრ არჩევს, თუ სად შეიძინოს ავიაბილეთი. შესაბამისად, სამინისტროს მიერ არ ხორციელდება კონტროლი საბიუჯეტო სახსრების რაციონალურად ხარჯვაზე.

ქვეყნის შიგნით მივლინებებისას საცხოვრებელი ფართის დაქირავებისას ზოგიერთ შემთხვევებში გადახდილია მაღალი ოდენობის თანხები. კერძოდ: 2016 წლის 30 ივლისს დაბა ჩაქვში, სასტუმრო „დრიმლენდ ოაზისში“ სამინისტროს წარმომადგენლების განთავსების 1 დღის ღირებულებამ შეადგინა 704 ლარი, რაც აღემატება არა მხოლოდ საქართველოში არსებული საშუალო კლასის სასტუმროს ნომრის ღირებულებას, არამედ 3-ჯერდა მეტად აღემატება ისეთი ქვეყნების საცხოვრებელი ფართის დაქირავების ნორმებს, როგორიცაა: იტალია, საფრანგეთი, ავსტრია, ლუქსემბურგი და სხვა.

2016 წლის 13 ივლისს, ბათუმში, სასტუმრო „რედისონში“ 1 დღე-ღამით განთავსების ღირებულებამ შეადგინა 649 ლარი, რაც ასევე მნიშვნელოვნად აღემატება საშუალო კლასის სასტუმროს ღირებულებას.

2016 წელს სამინისტროს მიერ გაწეულმა წარმომადგენლობითმა ხარჯებმა შეადგინა 109 600 ლარი.ამასთან, ზოგიერთ შემთხვევაში სარესტორნო მომსახურებაზე გაწეულია არაგონივრულად მაღალი ოდენობის ხარჯები. მაგალითად: რესტორან „კოპალა“-ში 14 პერსონის მისაღებად გამართულ ღონისძიებაზე გაწეულია 2 397 ლარის ოდენობის ხარჯი, ანუ 1 პერსონაზე გახარჯულია 171 ლარი. რესტორან „ფუნიკულიორში“ გამართულ საქმიან ვახშამზე 1 პერსონისთვის გადახდილია 188 ლარი (ჯამში 25 პერსონაზე - 4 689 ლარი). რესტორან „VINOTEL“-ში 20 პერსონის მისაღებად გადახდილია 3 259 ლარი, რაც 1 პერსონაზე შეადგენს 163 ლარს.

საქართველოს ფინანსთა მინისტრის თანამდებობას 2012 წლის 25 ოქტომბრიდან 2016 წლის 27 ნოემბრამდე ნოდარ ხადური იკავებდა, შემდეგ კი დიმიტრი ქუმსიშვილი.

სახელმწიფო აუდიტის სამსახურის აუდიტორული შემოწმების მასალები სრულად იხილეთ მოცემულ ბმულზე: http://sao.ge/files/auditi/auditis-angarishebi/2017/sakartvelos-finansta-saministro-2016.pdf

საქართველოს და ბულგარეთს შეუძლიათ, ევროპასა და აზიას შორის ხიდის ფუნქცია შეასრულონ - ირაკლი კობახიძე

17 ივნისი, 2019 , 16:04

საქართველოს პარლამენტის თავმჯდომარე ირაკლი კობახიძე, თანმხლებ დელეგაციასთან ერთად, ოფიციალური ვიზიტით, ბულგარეთის რესპუბლიკაში იმყოფება. პარლამენტის პრესსამსახურის ინფორმაციით, ვიზიტის ფარგლებში პირველი შეხვედრა ბულგარეთ

მსოფლიო ბანკი საქართველოს განათლების სისტემისთვის 90 მლნ ევროს გამოყოფს

17 ივნისი, 2019 , 15:56

მსოფლიო ბანკი განათლების სისტემისთვის 90 მლნ ევროს გამოყოფს, – ამის შესახებ საქართველოს პრემიერ-მინისტრმა, მამუკა ბახტაძემ მთავრობის სხდომის დაწყებამდე გამართულ ბრიფინგზე განაცხადა. როგორც მამუკა ბახტაძემ აღნიშნა,

„ოცნება“ თავისი პოლიტიკით რუსეთს აძლიერებს - ლევან სამუშია

17 ივნისი, 2019 , 15:35

„ქართული ოცნება“ თავისი მიზანმიმართული პოლიტიკით აძლიერებს რუსეთს საქართველოში და ნაყოფიერ ნიადაგს ქმნის, რათა საქართველოში აღმოცენდნენ რუსეთის მიერ მართული სკინჰედური ორგანიზაციები, - ასე აფასებს „თავი

სტრატეგიული პარტნიორობის დეკლარაციის ოქმში ასახულია ყველა ის პრიორიტეტი, რომელიც საშუალებას მოგვცემს, უფრო მაღალ დონეზე ავიყვანოთ ურთიერთობები - პრემიერი

17 ივნისი, 2019 , 15:20

აშშ-საქართველოს ახალი სტრატეგიული პარტნიორობის დეკლარაციის ოქმში ასახულია ყველა ის პრიორიტეტი, რომელიც საშუალებას მოგვცემს, კიდევ უფრო მაღალ, ხარისხობრივად ახალ დონეზე ავიყვანოთ ურთიერთობები ორ სტრატეგიულ პარტნიორს შორის

სასამართლო რეფორმის მე-4 ტალღის კანონპროექტი სამოქალაქო საზოგადოების, პოლიტიკური პარტიების და საერთაშორისო პარტნიორების აქტიურად ჩართულობის საუკეთესო მაგალითი იყო - მამუკა ბახტაძე

17 ივნისი, 2019 , 15:20

სასამართლო რეფორმის მე-4 ტალღის კანონპროექტი სამოქალაქო საზოგადოების, პოლიტიკური პარტიების და საერთაშორისო პარტნიორების აქტიურად ჩართულობის საუკეთესო მაგალითი იყო, - ამის შესახებ საქართველოს პრემიერ-მინისტრმა მამუკა ბახტ

ცესკო-მ საქართველოს პარლამენტის შუალედური არჩევნების საბოლოო შედეგები გამოაქვეყნა

17 ივნისი, 2019 , 14:37

ცენტრალურმა საარჩევნო კომისიამ დღეს საქართველოს პარლამენტის შუალედური არჩევნების საბოლოო შედეგები შეაჯამა. ცესკო-ში გამართულ სხდომაზე, შემაჯამებელ ოქმს ცესკო-ს თავმჯდომარემ და კომისიის მდივანმა მოაწერეს ხელი. საქართველოს

ვიდეო გალერეა

ქრისტე აღსდგა!