უკან
ეკონომიკა
31 მაისი, 2018 12:20
2017 წელს საქართველოში აბსოლუტური სიღარიბის დონემ 21,9% შეადგინა - საქსტატი
წინა წელთან შედარებით 2017 წელს აბსოლუტური სიღარიბის დონე 0.1 პროცენტული პუნქტით შემცირდა და 21,9% შეადგინა.
საქსტატის აღმასრულებელი დირექტორის, გოგიტა თოდრაძის მიერ დღევანდელ ბრიფინგზე მიწოდებული ინფორმაციით, გენდერულ ჭრილში აღნიშნული ინდიკატორი ქალებში 21,6 %-ს, ხოლო მამაკაცებში 22,4 %-ს შეადგენს.
რაც შეეხება ფარდობითი სიღარიბის მაჩვენებლებს, მედიანური მოხმარების 60 და 40 %-ის ქვემოთ მყოფი მოსახლეობის წილი 2017 წელს გაიზარდა 1,3 პროცენტული პუნქტით და შესაბამისად, 22,3% და 8,5 % შეადგინა.
თოდრაძის განმარტებით, უთანაბრობის ზრდის ძირითად მიზეზს 2017 წლის განმავლობაში ინფლაციის შედარებით მაღალი დონე წარმოადგენს.