ეკონომიკა

2017 წელს საქართველოში განხორციელებული პირდაპირი უცხოური ინვესტიციების მოცულობამ 20.6%-ით გაიზარდა

დაზუსტებული მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2017 წელს 1888.8 მლნ. აშშ დოლარი შეადგინა, რაც 20.6%-ით აღემატება 2016 წლის მონაცემებს და 1.4 %-ით მეტია 2017 წლის წინასწარ მონაცემებზე.

საქსტატის ინფორმაციით, 2017 წელს რეინვესტიციის წილმა მთლიანი პირდაპირი უცხოური ინვესტიციების 34.9 % შეადგინა.

სამი უმსხვილესი ინვესტორი ქვეყნის წილმა პირდაპირი უცხოური ინვესტიციების საერთო მოცულობაში, 2017 წლის დაზუსტებული მონაცემებით, 58.7 % შეადგინა. პირველ ადგილზე აზერბაიჯანი იმყოფება 24.6 %, მეორეზეა ნიდერლანდები 18.9 %-ით, ხოლო მესამეზე - თურქეთი 15.2 %-ით.

2017 წელს სამი უმსხვილესი სექტორის წილმა (განხორციელებული პირდაპირი უცხოური ინვესტიციების მიხედვით) 57 % შეადგინა. ყველაზე მეტი პირდაპირი უცხოური ინვესტიცია ტრანსპორტსა და კავშირგაბმულობაში განხორციელდა და 489.2 მლნ აშშ დოლარი შეადგინა, რაც პირდაპირი უცხოური ინვესტიციების საერთო მოცულობის 25.9 %-ია. მეორე ადგილზეა საფინანსო სექტორი 302.6 მლნ აშშ დოლარით, ხოლო მესამეზე - მშენებლობა 284.8 მლნ აშშ დოლარით.