უკან

უახლესი ამბები

დღის კალენდარი

ანონსები

არქივი

ეკონომიკა

27 ივლისი, 2017 17:55
font-size

2017 წელს შენარჩუნდება იაფი აგროკრედიტი ყურძნის შესყიდვისთვის

შეღავათიანი აგროკრედიტის საპროცენტო განაკვეთის სახელმწიფოს მიერ თანადაფინანსების გზით ყურძნის გადამამუშავებელი საწარმოებისთვის შესაძლებელი გახდება 2017 წლის სეზონზე ყურძნის შესაძენად მიიღონ იაფი ფულად რესურსი, რომელიც გამოყენებული იქნება ფერმერებისგან ყურძნის შესაძენად, რაც თავის მხრივ ხელს შეუწყობს მოსავლის წარმატებით დაბინავებას.

სოფლის მეურნეობის სამინისტროს ინფორმაციით, 15 თვიანი იაფი აგროკრედიტი ყურძნის შესყიდვის მიზმნობრიობით კახეთში; 36 თვიანი იაფი აგროკრედიტი რქაწითელის და კახური მწვანეს შესყიდვის მიზმნობრიობით სპირტად გამოხდის შემთხვევაში.

უკანასკნელ წლებში საქართველოში ხორციელდება ყურძნის ჩაბარებისა და გადამუშავების ხელშემწყობი პროგრამები. შეღავათიანი აგროკრედიტი საბრუნავი საშუალებების დასაფინანსებლად 2017 წელს გაიცემა ყურძნის გადამამუშავებელი საწარმოებისთვის ღვინის წარმოებისთვის და საბრენდე სპირტის წარმოების მიზნით, რომელიც ითვალსწინებს:

ღვინის ქარხნების მიერ რთველის პერიოდში მიღებული ყურძნის შესასყიდად საჭირო სესხის მოცულობის საპროცენტო ხარჯის თანადაფინანსებას შემდეგი პირობებით:

სესხის მაქსიმალური ვადა ღვინის მწარმოებელი ყურძნის ჩამბარებლებისათვის - 15 თვე

სესხის მაქსიმალური ვადა ყურძნისგან სპირტის გამოხდის შემთხვევაში - 36 თვე

სესხის მინიმალური და მაქსიმალური მოცულობა ყურძნის გადამამუშავებელი საწარმოებისთვის ღვინის წარმოებისათვის - 20,000 - 10 000 0000 ლარი

სესხის მინიმალური და მაქსიმალური მოცულობა ყურძნის გადამამუშავებელი საწარმოებისთვის, რომლებიც ყურძნის შეძენას მოახდენენ სპირტის წარმოების მიზნით - 20 000 - 15 000 000 ლარი

როგორც ღვინის წარმოებისათვის ასევე სპირტის წარმოების მიზნით ჩაბარებული ყურძნის შემთხვევაში საწარმოების მიერ, სესხის საპროცენტო სარგებლის თანადაფინანსება მოხდება სააგენტოს მიერ სესხის ძირითადი თანხის წლიური 8%-ის ოდენობით, რომელსაც სოფლის მეურნეობის პროექტების მართვის სააგენტო გადაიხდის სესხის დაფარვის გრაფიკის შესაბამისად, მსესხებლის მიერ სესხის გადახდის პარალელურად.

როგორც ღვინის წარმოებისათვის ასევე სპირტის წარმოების მიზნით ჩაბარებული ყურძნის შემთხვევაში საწარმოების მიერ აღებული სესხის დაფარვა მოხდება არასტანდარტული გრაფიკით. საფინანსო ინსტიტუტის მიერ ბენეფიციარისთვის საშეღავათო პერიოდი, როგორც ძირითადი თანხის, ასევე საპროცენტო სარგებლოს გადახდაზე განსაზღვრული იქნება არანაკლებ 2018 წლის 15 იანვრამდე, ხოლო სპირტის წარმოების მიზნით ჩაბარებული ყურძნის შემთხვევაში 2018 წლის 15 მაისამდე.

თითოეულმა საწარმომ რომელიც ისარგებლებს შეღავათიანი აგროკრედიტით საბრუნავი საშუალებებისთვის უნდა წარმოადგინოს ღვინის ეროვნული სააგენტოს გაცემული დოკუმენტით გადამუშავებული ყურძნის მოცულობასა და ღირებულების შესახებ და მხოლოდ ამის შემდეგ განხორციელდება პროცენტის თანდაფინანსება.

საწარმოებს რომლებსაც სურთ საბრუნავი შეღავათიანი აგროკრედიტის აღება სპირტის წარმოების მიზნით, სააგენტო განახორციელებს მხოლოდ „რქაწითელისა“ და კახური მწვანეს“ ჯიშების ყურძნის შესაძენად აღებული კრედიტის საპროცენტო სარგებლის თანადაფინანსებას.

სოფლის მეურნეობის სამინისტრო მეღვინეობის დარგის ხელშეწყობის მიზნით 2013 წლიდან დღემდე ანხორციელებს სხვადასხვა სახის მასტიმულირებელ პროექტებს რომლის ფარგლებშიც წახალისდა, როგორც წვრილი ასევე მსხვილი საწარმოების შექმნა, რომლებსაც მნიშვნელოვან წვლილი შეაქვთ რთველის წარმატებით ჩატარებაში; შეღავათიანი აგროკრედიტის ფარგლებში ალკოჰოლური სასმელების, ღვინის, სპირტის, ბრენდის წარმოების მიმართულებით შეიქმნა 24 ახალი საწარმო და გაფართოვდა 48. სოფლის მეურნეობის სამინისტროს მიერ განხორციელებული საპროცენტო ხარჯის თანადაფინანსება საბრუნავი საშუალებებისთვის ზრდის მეწარმეებისთვის შეღავათიან ფინანსებზე ხელმისაწვდომობას.

2017 წელს აგროდაზღვევის პროგრამის ფარგლებში დაიზღვა 5,123 ჰა ვენახი. გაცემული პოლისების რაოდენობა შეადგენს 6,796 ხოლო სადაზღვევო ლიმიტი 42,422,837 ლარს. სახელმწიფოს მიერ გადახდილი პრემია შეადგენს 1,802,970 ლარს.

საქართველო არის უსაფრთხო დანიშნულების ადგილი, ეს ეხება არა მხოლოდ ჩვენს ტურისტულ ინდუსტრიას, არამედ საერთაშორისო აეროპორტებსაც - ნათია თურნავა

2 ივნისი, 2020 , 17:15

ეკონომიკისა და მდგრადი განვითარების მინისტრი ნათია თურნავა თბილისის საერთაშორისო აეროპორტში ფრენების განახლებისა და მგზავრთა უსაფრთხო გადაადგილებისთვის მიმდინარე მოსამზადებელ სამუშაოებს გაეცნო. ეკონომიკის სამინისტროს ინფ

აზიის განვითარების ბანკი ჩვენი ერთ-ერთი მსხვილი პარტნიორია, პანდემიის პირობებში მათთან თანამშრომლობა სასიცოცხლოდ მნიშვნელოვანია - ივანე მაჭავარიანი

2 ივნისი, 2020 , 17:15

აზიის განვითარების ბანკი (ADB) ჩვენი ერთ-ერთი მსხვილი პარტნიორია და პანდემიის პირობებში მათთან თანამშრომლობა სასიცოცხლოდ მნიშვნელოვანია, – განაცხადა ფინანსთა მინისტრმა, ივანე მაჭავარიანმა აზიის განვითარების ბანკთან

სახაზინო ობლიგაციების აუქციონზე 70 მილიონი ლარის ნომინალური ღირებულების ფასიანი ქაღალდები გაიყიდა

2 ივნისი, 2020 , 14:50

საქართველოს ეროვნული ბანკი ფინანსთა სამინისტროს სახაზინო ობლიგაციების აუქციონის შედეგს აქვეყნებს, რომლის თანახმადაც, დღეს აუქციონზე 70 000 000 ლარის ნომინალური ღირებულების ფასიანი ქაღალდები გაიყიდა. „2020 წლის 2 ივ

ფინანსთა სამინისტროს სახაზინო ვალდებულების აუქციონზე 50 მლნ ლარის ფასიანი ქაღალდები გაიყიდა

2 ივნისი, 2020 , 14:40

ფინანსთა სამინისტროს სახაზინო ვალდებულებების აუქციონზე დღეს 50 000 000 ლარის ნომინალური ღირებულების 182-დღიანი ვადიანობის ფასიანი ქაღალდები გაიყიდა. ეროვნული ბანკის ინფორმაციით, აუქციონში მონაწილეობა მიიღო შვიდმა კომერცი

საქართველო-ისრაელის ბიზნესპალატის წევრი კომპანიები ექსპორტს ზრდიან

2 ივნისი, 2020 , 13:53

საქართველო-ისრაელის ბიზნესპალატის წევრი კომპანიები „გლენბერი“ და „მაგალ“ კორონავირუსით გამოწვეული საგანგებო მდომარეობის მიუხედავად, საკუთარი პროდუქციის ექსპორტს ზრდიან. კომპანიის მფლობელი ისრაელის

საქართველოში ტურიზმი ე.წ. უსაფრთხო დერეფნების მეშვეობით გაიხსნება - მაია ცქიტიშვილი

2 ივნისი, 2020 , 12:35

ჩვენთვის აუცილებელია ეკონომიკის ყველა სექტორის, მათ შორის ტურიზმის აღდგენა, მაგრამ საჭიროა ტურიზმი აღდგეს ფრთხილად, გონივრულად, თანმიმდევრულად და ისეთი ტემპით, რის საშუალებასაც გვაძლევს ჩვენი ჯანდაცვის სისტემა და რეგულაც

პირდაპირი TV

daily calendar

ვიდეო გალერეა

ქრისტე აღსდგა!