უკან

უახლესი ამბები

დღის კალენდარი

ანონსები

არქივი

ეკონომიკა

30 მაისი, 2017 17:00
font-size

2017 წლის აპრილში მნიშვნელოვანი ზრდა დაფიქსირდა მეტალურგიული მრეწველობის, უძრავი ქონების და სასტუმრო-რესტორნების სექტორში - ნინო ჯავახაძე

წინასწარი შეფასებით, 2017 წლის აპრილში მნიშვნელოვანი ზრდა დაფიქსირდა მეტალურგიული მრეწველობის, უძრავი ქონების და სასტუმრო/რესტორნების სექტორში, - ამის შესახებ ეკონომიკისა და მდგრადი განვითარების მინისტრის მოადგილემ, ნინო ჯავახაძემ მედიის წარმომადგენლებთან საუბრისას განაცხადა.

მისი თქმით, 2017 წლის 4 თვის საშუალო ზრდა 4.3%-ია, ხოლო წინა წლის შესაბამის პერიოდთან შედარებით 2017 წლის აპრილში მთლიანი შიდა პროდუქტის რეალური ზრდა 2.1%-ს შეადგენს.

„სასტუმროების და რესტორნების სექტორში დაფიქსირებული ზრდა პირდაპირ კავშირშია ტურიზმის ზრდასთან, სადაც შთამბეჭდავი ციფრებია. ეკონომიკურ ზრდაზე ასევე დადებითად მოქმედებდა საგარეო ფაქტორები. კერძოდ, 2017 წლის აპრილში საქონლის ექსპორტი გაიზარდა 28%-ით, ფულადი გზავნილები - 12%-ით, საერთაშორისო ვიზიტორების რაოდენობა - 10.2%-ით, ხოლო სექტორიდან მიღებული შემოსავლები 26%-ით არის გაზრდილი“, - განაცხადა ნინო ჯავახაძემ.

როგორც ეკონომიკის მინისტრის მოადგილემ აღნიშნა, 2017 წლის აპრილში საქართველოში რეგისტრირებულ საწარმოთა ბრუნვა (რომლებზე დაკვირვებაც ხდება ეკონომიკური ზრდის შესაფასებლად) გასული წლის იმავე პერიოდთან შედარებით 10.3%-ით გაიზარდა.

„რაც შეეხება ზრდაზე მოქმედ სხვა ფაქტორებს, დაბალი აქტივობა დაფიქსირდა მშენებლობის სექტორში და შედეგად, წინა წელთან შედარებით შემცირებულია სამშენებლო კომპანიების ბრუნვა. ასევე კლება იყო თხილის წარმოება/ექსპორტის მიმართულებით, რაც თხილის მწარმოებელი კომპანიების მოსავლიანობის შემცირებით არის განპირობებული. მოსავლიანობის შემცირება თხილის გარკვეული ტიპის დაავადებების გავრცელებას უკავშირდება. შედეგად, შემცირდა დამატებული ღირებულება საკვები პროდუქტების წარმოების სფეროში“ - განაცხადა ჯავახაძემ.

მისივე თქმით, 2017 წლის წინა თვეებთან მიმართებით 2017 წლის აპრილში შედარებით დაბალი ეკონომიკური ზრდა არ უნდა შეფასდეს, როგორც ზოგადი ზრდის ტენდენციიდან გადახვევა. „საშუალო ეკონომიკური ზრდა მაღალი რჩება და გაუმჯობესებულ საგარეო ფაქტორებთან ერთად საფუძველს ქმნის მთავრობის მიერ დადგენილი 4%-იანი ზრდის მაჩვენებლის უზრუნველყოფისთვის“ - განაცხადა ნინო ჯავახაძემ.

საერთაშორისო მოგზაურობიდან შემოსავალი 101 მილიონი აშშ დოლარით გაიზარდა

26 ივნისი, 2019 , 16:41

წინასწარი მონაცემებით, 2019 წლის იანვარ-მაისში შემოსავალი საერთაშორისო მოგზაურობიდან საქართველოში 1.1 მილიარდი აშშ დოლარია, (ზრდა +9.8%) რაც 101 მილიონი აშშ დოლარით მეტია წინა წლის ანალოგიურ მაჩვენებელზე. ტურიზმის ეროვნუ

ნათია თურნავა ყაზახური ავიაკომპანიის „ეარ ასტანას“ პრეზიდენტს შეხვდა

26 ივნისი, 2019 , 15:15

საქართველოს ეკონომიკისა და მდგრადი განვითარების მინისტრი ნათია თურნავა ყაზახური ავიაკომპანიის „ეარ ასტანას“ (Air Astana) პრეზიდენტ პიტერ ფოსტერს შეხვდა. შეხვედრაზე განხილული იყო საქართველოს სამოქალაქო ავიაციი

მივყვებით ტურისტული ბაზრის მოთხოვნებს და აქტიურად ვმუშაობთ ბიზნესის დასახმარებლად ყველა მიმართულებით - ნათია თურნავა

26 ივნისი, 2019 , 13:25

ჩვენი მთავარი ამოცანაა, ზოგადად, საქართველო წარმოვაჩინოთ როგორც ერთ-ერთი ყველაზე უსაფრთხო, მიმზიდველი და ბევრი გაგებით უნიკალური, ტურისტულად საინტერესო ცენტრი, - ამის შესახებ ეკონოიკისა და მდგრადი განვითარების მინისტრმა

უცხოური ვალუტის ოფიციალური კურსი 26 ივნისისთვის - დოლარი - 2.8333 ლარი, ევრო - 3.2260

25 ივნისი, 2019 , 17:47

საქართველოს ეროვნული ბანკის მიერ გამოქვეყნებული მონაცემების თანახმად, 26 ივნისისთვის დადგენილი კურსით, ერთი ამერიკული დოლარის ოფიციალური ღირებულება 2.8333 ლარია. აქამდე მოქმედი კურსით ლარი 2.7945 ღირდა. შესაბამისად, ლარი

ეროვნული ბანკი სესხებისა და დეპოზიტების მიმდინარე ტენდენციებზე ინფორმაციას ავრცელებს

25 ივნისი, 2019 , 15:55

მომხმარებელთან კომუნიკაციის გაუმჯობესების მიზნით, საქართველოს ეროვნული ბანკი ინტერაქტიულ პრესრელიზებს აქვეყნებს სესხებისა და დეპოზიტების ყოველთვიური მონაცემების შესახებ. მათში დეტალურადაა აღწერილი რეზიდენტი კომერციუ

სახაზინო ობლიგაციების აუქციონზე 50 000 000 ლარის ფასიანი ქაღალდები გაიყიდა

25 ივნისი, 2019 , 14:35

ფინანსთა სამინისტროს სახაზინო ობლიგაციების აუქციონზე 50 000 000 ლარის ნომინალური ღირებულების 5-წლიანი ვადიანობის ფასიანი ქაღალდები გაიყიდა. ეროვნული ბანკის ინფორმაციით, აუქციონში მონაწილეობა მიიღო სამმა კომერციულმა ბანკმ