საზოგადოება

2017 წლის განმავლობასი პრეზიდენტმა 831 მსჯავრდებული შეიწყალა

საქართველოს პრეზიდენტმა 2017 წელს 831 მსჯავრდებული შეიწყალა. ინფორმაცია შეწყალების კომისიამ გაავრცელა.

2017 წელს შეწყალების შემდეგ თავისუფლების აღკვეთის დაწესებულებებიდან გათავისუფლდა 539 მსჯავრდებული - აქედან 37 ქალი და 2 არასრულწლოვანია.

სასჯელი შეუმცირდა 291 მსჯავრდებულს, აქედან 9 ქალსა და 4 არასრულწლოვანს.

1 მსჯავრდებული კი გათავისუფლდა პირობით ჩათვლილი თავისუფლების აღკვეთის შემდგომი მოხდისაგან.

სულ 2017 წელს ჩატარდა შეწყალების საკითხთა კომიტეტის 5 სხდომა.

2017 წლის 16 თებერვლიდან 21 თებერვლის ჩათვლით პერიოდში შეწყალების საკითხთა კომისიამ განიხილა 890 პირის საქმე. მუშაობის შედეგად 2017 წლის 1 მარტს საქართველოს პრეზიდენტმა შეიწყალა 157 მსჯავრდებული: თავისუფლების აღკვეთის დაწესებულებებიდან გათავისუფლდა 93 მსჯავრდებული, აქედან 6 ქალი და 1 არასრულწლოვანი. შეწყალების აქტით თავისუფლების აღკვეთის სახით შეფარდებული სასჯელი შეუმცირდა 64 მსჯავრდებულს, მათ შორის 2 ქალს.

2017 წლის 4 აპრილიდან 6 აპრილის ჩათვლით პერიოდში შეწყალების საკითხთა კომისიამ განიხილა 579 პირის საქმე. მუშაობის შედეგად 2017 წლის 12 აპრილს საქართველოს პრეზიდენტმა შეიწყალა 91 მსჯავრდებული: თავისუფლების აღკვეთის დაწესებულებებიდან გათავისუფლდა 62 მსჯავრდებული, აქედან 3ქალია. შეწყალების აქტით თავისუფლების აღკვეთის სახით შეფარდებული სასჯელი შეუმცირდა 29 მსჯავრდებულს, აქედან 1 ქალია.

2017 წლის 20 ივნისიდან 23 ივნისის ჩათვლით პერიოდში შეწყალების საკითხთა კომისიამ განიხილა 1073 პირის საქმე. მუშაობის შედეგად 2017 წლის 6 ივლისს საქართველოს პრეზიდენტმა შეიწყალა 170 მსჯავრდებული: თავისუფლების აღკვეთის დაწესებულებებიდან გათავისუფლდა 120 მსჯავრდებული, აქედან 8 ქალია.შეწყალების აქტით თავისუფლების აღკვეთის სახით შეფარდებული სასჯელი შეუმცირდა 49 მსჯავრდებულს, აქედან 1 ქალია.1 მსჯავრდებული გათავისუფლდა პირობით ჩათვლილი თავისუფლების აღკვეთის შემდგომი მოხდისაგან.

2017 წლის 27 სექტემბრიდან 4 ოქტომბრის ჩათვლით პერიოდში შეწყალების საკითხთა კომისიამ განიხილა 1406 პირის საქმე.მუშაობის შედეგად 2017 წლის 12 ოქტომბერს საქართველოს პრეზიდენტმა შეიწყალა 226 მსჯავრდებული: თავისუფლების აღკვეთის დაწესებულებებიდან გათავისუფლდა 141 მსჯავრდებული, აქედან 12 ქალია. შეწყალების აქტით თავისუფლების აღკვეთის სახით შეფარდებული სასჯელი შეუმცირდა 85 მსჯავრდებულს, აქედან 1 ქალია და 2 არასრულწლოვანი.

2017 წლის 14 დეკემბრიდან 24 დეკემბრის ჩათვლით პერიოდში შეწყალების საკითხთა კომისიამ განიხილა 1182 პირის საქმე. მუშაობის შედეგად 2017 წლის 27 დეკემბერს საქართველოს პრეზიდენტმა შეიწყალა 187 მსჯავრდებული: აქედან შეწყალების აქტი შეეხო 12 ქალსა და 3 არასრულწლოვანს. თავისუფლების აღკვეთის დაწესებულებებიდან გათავისუფლდა 123 მსჯავრდებული, აქედან 8 ქალია და 1 არასრულწლოვანი. შეწყალების აქტით ვადიანი და უვადო თავისუფლების აღკვეთის სახით შეფარდებული სასჯელი შეუმცირდა 64 მსჯავრდებულს, აქედან 4 ქალია და 2 არასრულწლოვანი.