უახლესი ამბები
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
საზოგადოება
2017 წლის ივნისში თბილისის საკრებულომ საპატრიარქოს 2 ლარად 4.339 მ2-ის მიწა გადასცა - ფლანგვის დეტექტორი
არასამთავრობო ორგანიზაცია „მმართველობის მონიტორინგის ცენტრის“ მედიაპროექტის, „ფლანგვის დეტექტორის“ ინფორმაციით, თბილისის საკრებულომ 2017 წლის ივნისში საპატრიაქროს 3185 მ2-ისა და 1154 მ2-ის მიწის ნაკვეთები გადასცა 1-1 ლარად.
„ფლანგვის დეტექტორის“ განცხადებით, 4.339 მ2-ის მიწის ნაკვეთების გადაცემა ყოველგვარი ახსნა-განმარტების გარეშე მოხდა.
„2017 წლის ივნისში, თბილისის საკრებულომ საპატრიარქოს ორი მიწის ნაკვეთი სიმბოლურ ფასად - 1 ლარად გადასცა. ანგია ბოჭორიშვილის (3185 კვ.მ) და ჭიჭინაძის ( 1154 კვ.მ) ქუჩაზე არსებული მიწის ნაკვეთების გასხვისება, საკრებულოს თავმჯდომარის გიორგი ალიბეგაშვილის ხელმოწერის საფუძველზე, ყოველგვარი განმარტებისა და მიზეზების დასახელების გარეშე მოხდა.
მიზნობრიობის გარეშე უძრავი თუ მოძრავი ქონების გადაცემის პრაქტიკა დედაქალაქის საკრებულოში უკვე მრავალი წელია რაც არსებობს. ბოლოს ასეთი შემთხვევა მიმდინარე წლის აპრილში დაფიქსირდა, როდესაც თემქის დასახლებაში არსებული 850 კვ.მ მიწის ნაკვეთი საპატრიარქოს კვლავ სიმბოლურ ფასად - 1 ლარად გადაეცა“, - დაწერა „ფლანგვის დეტექტორმა“ ფეისბუკის საკუთარ გვერდზე.
ანა მებურიშვილი