ეკონომიკა

2017 წლის პირველ კვარტალში მშპ 5.1%-ით გაიზარდა

საქართველოს სტატისტიკის ეროვნული სამსახურის მონაცემებით, 2017 წლის პირველ კვარტალში მთლიანი შიდა პროდუქტის მაჩვენებელმა მიმდინარე ფასებში 8 318,0 მლნ. ლარი შეადგინა, რაც წინა წლის ანალოგიური პერიოდის მაჩვენებელზე 5,1 %-ით მეტია. დეფლატორი გაიზარდა 5,6 %-ით.

მთლიანი შიდა პროდუქტის დარგობრივ სტრუქტურაში ყველაზე დიდი წილი აქვთ მრეწველობასა (16,6 %) და ვაჭრობას (15,3 %). შემდგომ პოზიციებს იკავებს ტრანსპორტი და კავშირგაბმულობა (11,4 %), მშენებლობა (9,6 %), სოფლის მეურნეობა, მეთევზეობა (9 %), სახელმწიფო მმართველობა (7,8 %), ჯანმრთელობის დაცვა და სოციალური დახმარება (6,2 %), ოპერაციები უძრავი ქონებით, იჯარა და მომხმარებლისათვის მომსახურების გაწევა (5,7 %).

ყველაზე დიდი ზრდა დაფიქსირდა მშენებლობის დარგში (21.6%), კავშირგაბმულობასა (11.5%) და სასტუმროებისა და რესტორნებში (8.7%). კლება დაფიქსირდა სოფლის მეურნეობაში (-1.5 %) და სახელმწიფო მმართველობაში (-1,3 %).

ანა მებურიშვილი