უკან

რეგიონები

12 სექტემბერი, 2017 16:00
font-size

2018 წელს, აჭარაში ტურიზმის განვითარების სტრატეგია შეიქმნება

აჭარის ტურიზმის დეპარტამენტის ბიუჯეტი რეგიონის რეკლამირების, სერვისის გაუმჯობესებისა და ტურისტული პროდუქტების განვითარების მიზნით შესაძლოა 2 416 700 (+32%) ლარით გაიზარდოს. 2018 წლის პროგრამულ ბიუჯეტში ტურიზმის განვითარების ხელშემწყობი ღონისძიებების განსახორციელებლად ჯამში 9 858 300 ლარის დახარჯვა იგეგმება. მიმდინარე წელს, დეპარტამენტის ბიუჯეტი 7 441 800 ლარს შეადგენს.

აჭარის ტურიზმის დეპარტამენტის 2018 წლის პროგრამული ბიუჯეტის პროექტის მეორე საჯარო განხილვა დეპარტამენტში დღეს გაიმართა.

2018 წლისთვის, დეპარტამენტის ბიუჯეტის 69% რეგიონის საერთაშორისო და შიდა ბაზრებზე რეკლამირებისთვის დაიხარჯება. სარეკლამო ბიუჯეტის გაზრდა შემდეგი წლისთვის 1 655 000 ლარით (+32%) იგეგმება. ჯამში აჭარის 17 ქვეყანაში პოპულარიზაციისთვის 6 820 000 ლარი დაიხარჯება, მათ შორის ქვეყნის შიგნით რეკლამირებისთვის 500 000 ლარი გამოიყოფა.

2018 წლისთვის, აჭარის სამიზნე ქვეყნებს შორის ირანი დიდი ბრიტანეთით ჩანაცვლდება და რეგიონის რეკლამირება შემდეგ ქვეყნებში განხორციელდება: დიდი ბრიტანეთი, ისრაელი, უკრაინა, ლიტვა, პოლონეთი, ბელორუსია, რუსეთის ფედერაცია, გერმანია, ესტონეთი, ლატვია, საუდის არაბეთი, არაბეთის გაერთიანებული საამიროები, აზერბაიჯანი, სომხეთი, ყაზახეთი, თურქეთი და საქართველო. სარეკლამო კამპანიებისას ძირითადი აქცენტი ონლაინ რეკლამის გაძლიერებასა და რეიტიგნულ მედიასაშუალებებში სატელევიზიო რეკლამაზე გაკეთდება.

შემდეგ წელს, რეგიონში სერვისის გაუმჯობესების მიზნით 200 000 ლარის დახარჯვა იგეგმება. ამ მიმართულებით ისევ გაგრძელდება პროექტები „ტურიზმის განვითარების სკოლა“, „რეკომენდებულია ტურიზმის დეპარტამენტის მიერ“ და საუკეთესი სერვისის მქონე ტურისტული ობიექტების დაჯილდოება „მაგნოლია 2018“. აღნიშნული პროექტები აჭარაში ტურისტულ სექტორში დასაქმებული კადრების გადამზადებას, სერვისის გაუმჯობესებას, წახალისებასა და ზოგადად, ტურიზმის განვითარებას შეუწყობს ხელს. 2018 წელს, ასევე დადგინდება რეგიონში სერვისი დონე იდუმალი სტუმრის პროექტით. შემდეგი წლისთვის სიახლე იქნება სასწავლო ვიდეო რგოლების შექმნა კვებისა და განთავსების ობიექტებისთვის.

2018 წლისთვის იგეგმება აჭარის რეგიონში ტურიზმის განვითარების სტრატეგიის სამოქმედო დოკუმენტის შექმნა, რომლისთვისაც დეპარტამენტი 280 000 ლარს დახარჯავს.

რეგიონში მყოფი ტურისტების საჭიროებების კვლევის მიზნით, შემდეგ წელს ისევ დაიწყება უცხოელი ვიზიტორების კვლევა. აჭარაში ნამყოფი უცხოელი ტურისტების გამოკითხვის შედეგად დადგინდება მათი კმაყოფილებისა თუ უკმაყოფილების დონე. 2018 წელს ასევე გაგრძელდება კვლევები და სტატისტიკა დარგის საჭიროებებისა და განვითარების პოტენციალის მიმართულებით, რაც არარეგისტრირებული სექტორისა და შიდა ტურისტების საჭიროებების კვლევას ითვალისწინებს. სულ, აღნიშნული კვლევებისთვის ბიუჯეტიდან 180 500 ლარის გამოყოფა იგეგმება.

რეგიონში, განსაკუთრებით კი არასაზღვაო ზოლში ტურისტული პროდუქტების შექმნა-განვითარების მიზნით დაიხარჯება 492 500 ლარი. აჭარის ტურიზმის დეპარტამენტის ტურისტული პროდუქტების განვითარების სააგენტოს მთიანი აჭარის პოპულარიზაცია-განვითარებას ისევ გააგრძელებს. 2018 წლისთვის ისევ ჩატარდება ფრინველებზე დაკვირვებისა და სოფლის ტურიზმის ფესტივალები.

გორში ორ ქვესადგურს მეხი დაეცა

18 ივნისი, 2018 , 21:11

გორის მუნიციპალიტეტში ათასობით აბონენტს ელექტროენერგიის მიწოდება შეუწყდა. ამის მიზეზი ძლიერი ჭექა-ქუხილი გახდა, რა დროსაც მწყობრივად ორი ქვესადგური გამოვიდა. ამის შესახებ ინფორმაციას შიდა ქართლის საინფორმაციო ცენტრი ავრც

ფსიქოტროპული წამლები ურეცეპტოდ - ბათუმში აფთიაქის დალუქვას ითხოვენ

18 ივნისი, 2018 , 16:50

კორუფციასთან ბრძოლის საინფორმაციო ცენტრის ხელმძღვანელი, ყოფილი პატიმარი მერაბ ღოღობერიძე ბათუმში ერთ-ერთი აფთიაქის დახურვას ითხოვს. ამის შესახებ ინფორმაციას „რუსთავი2“ ავრცელებს. ღოღობერიძის განცხადებით, ქალა

ვაზზე სელექციური სამუშაოები განახლდა

18 ივნისი, 2018 , 16:50

სელექციური პროგრამის ფარგლებში, სოფლის მეურნეობის სამეცნიერო-კვლევითი ცენტრის სპეციალისტებმა და შვეიცარიელმა სელექციონერმა, ვალენტინ ბლატნერმა ვაზზე სოკოვანი დაავადებების მიმართ რეზისტენტული ჯიშების გამოვლენის სამუშაოები

ნაციონალური მოძრაობის დეპუტატებმა ოზურგეთში შიმშილობა დაიწყეს

18 ივნისი, 2018 , 15:05

ნაციონალური მოძრაობის დეპუტატებმა ოზურგეთში პროტესტის ნიშნად შიმშილობა დაიწყეს. აქციის მონაწილეები ენმ-ის საკრებულოს დეპუტატის, ბესიკ ქათამაძეზე განხორციელებულ ფიზიკურ ძალადობაში მონაწილე დეპუტატების დასჯას მოითხოვენ. მა

ოზურგეთში ენმ საპრიოტესტო აქციას მართავს

18 ივნისი, 2018 , 14:20

ოზურგეთში საპროტესტო აქცია მიმდინაერეობს. ნაციონალური მოძრაობის წევრის, ბესიკ ქათამაძის მიმართ ოზურგეთის საკრებულოს დეპუტატების მიერ განხორციელებული ძალადობის გამო აქციის მონაწილეები, სამანდატო კომისიის შეკრებას და ინციდ

ენის შემწავლელი კურსები აჭარის სხვა მუნიციპალიტეტებშიც გაგრძელდება

18 ივნისი, 2018 , 14:20

კურორტ გოდერძიზე უცხოელ ტურისტებთან კომუნიკაციის გამარტივების მიზნით დაწყებული ინგლისური ენის კურსები დასრულდა. აჭარის ტურიზმის დეპარტამენტმა „ტურიზმის განვითარების სკოლის“ ფარგლებში კურორტზე და მის მიმდებარე

ვიდეო გალერეა

ინტერვიუ ვანიჩკასთან - ნატო ჩხეიძე