საზოგადოება

2018 წელს შახტებში გარდაცვლილია 11 ადამიანი, 10 კი მძიმედ დაშავებულია - პროფკავშირები

პროფესიული კავშირების გაერთიანების მონაცემებით, 2018 წელს სამუშაო ადგილებზე საწარმოო ტრავმების შედეგად 29 ადამიანი გარდაიცვალა, 24 კი მძიმედ დაშავდა.

პროფკავშირების შრომის ინსპექტორის ნიკა კაკაშვილის განცხადებით, შახტებში გარდაცვლილია 11 ადამიანი, ხოლო 10 მძიმედ დაშავებულია.

„კარიერებზე გარდაიცვალა სამი ადამიანი, ხოლო მძიმედ დაშავდა ორი“, – აცხადებს კაკაშვილი.

მინდელის შახტში დღეს დილით ტრაგედია მოხდა. შემთხვევას ოთხი ადამიანი ემსხვერპლა, დაშავებულია ექვსი ადამიანი.

შსს-ს ინფორმაციით, გამოძიების პირველადი ინფორმაციით, მინდელის შახტის ერთ-ერთ გვირაბში, სავარაუდოდ მეთანის აფეთქების შედეგად კედლების დეფორმაციას ჭერის ჩამოშლა მოჰყვა.