კომენტარი

2018 წლის ბიუჯეტის პროექტი პასუხისმგებლიანია, მასში პროფესიონალიზმი ჩანს - არჩილ თალაკვაძე

საპარლამენტო უმრავლესობის ლიდერის, არჩილ თალაკვაძის შეფასებით, 2018 წლის ბიუჯეტის პროექტი, რომელიც დეპუტატებს გუშინ, ფინანსთა მინისტრმა წარუდგინა, არის პასუხისმგებლიანი და მასში მომავლის ხედვა იგრძნობა.

„მე ვიტყოდი, რომ 2018 წლის ბიუჯეტი არის დაბალანსებული, პასუხისმგებლიანი. მასში ჩანს პროფესიონალიზმი, მომავლის ხედვა და მოძრაობა, რაც ძალიან მნიშვენლოვანია ისეთი ქვეყნისთვის, როგორიც საქართველოა“,-აღნიშნა თალაკვაძემ.

2018 წლის ბიუჯეტის საბოლოო პროექტს ფინასთა სამინისტრო პარლამენტს წლის ბოლომდე წარუდგენს.

მონიკა დავლიანიძე