უახლესი ამბები
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
არქივი
მსოფლიო
2018 წლის განმავლობაში საუდის არაბეთის ხელისუფლება მოსახლეობას 13 მილიარდ დოლარს დაურიგებს
საუდის არაბეთის კულტურისა და ინფორმაციის მინისტრის, ავად ბინ სალეჰ ალაუდის ინფორმაციით, სამეფოს ხელისუფლება გეგმავს, 2018 წლის განმავლობაში მოსახლეობას 50 მილიარდი რიალი ( 13 მილიარდი დოლარი ) დაურიგოს.
„50 მილიარდი რიალის გამოყოფა მეფის ბრძანებით მიუთითებს ქვეყნის ხელმძღვანელობის მზრუნველობაზე მოქალაქეების ცხოვრების კომპფორტსა და ხარისხზე“, - უთხრა ალაუდიმ გაზეთ „ალ შარქ ალ ავსატს“.
მინისტრის განმარტებით, აღნიშნული თანხის გაღება ერთგვარი კომპენსაცია იქნება მოსახლეობისთვის საყოფაცხოვრებო ხარჯების ზრდის გამო.
შაბათს გამოქვეყნებულ ბრძანებაში მეფე სალმან ბენ აბდელ აზიზ ალ საუდმა განაცხადა, რომ სახელმწიფო მოხელეებს ყოველთვიურად დაუმატებენ 1000 რიალს ( დაახლოებით 266 დოლარს) მას შემდეგ, რაც მთავრობამ გააძვირა საწვავის ფასი და შემოიღო დამატებითი ღირებულების გადასახადი. ბონუსები დაერიცხებათ პენსიონერებსა და სამხედროებს.
ამავე დროს მთავრობამ შეღავათები შეუმცირა სამეფო ოჯახის წევრებს, რაც უკანასკნელების უკმაყოფილება გამოიწვია. წინა კვირას 11 პრინცი დააკავეს სამეფო სასახლეში ჩატარებული საპროტესტო აქციის გამო.
საუდის არაბეტში მიმდინარე რეფორმების მიზანია ნავთობზე ფასების შემცირების გადალახვა, რომელმაც ბიუჯეტის დეფიციტი გამოიწვია. ექსპერტების შეფასებით, 2018 წელს დეფიციტმა 195 მილიარდი რიალი (52 მილიარდი დოლარი) შეადგინა.
ანა მებურიშვილი