უკან

უახლესი ამბები

დღის კალენდარი

ანონსები

არქივი

ეკონომიკა

20 იანვარი, 2020 14:20
font-size

2019 წელს საქართველოდან ექსპორტზე გატანილი პროდუქციის 62%-ი ადგილობრივი წარმოების პროდუქციაა - „საქსტატი“

2019 წელს საქართველოდან ექსპორტზე გატანილი პროდუქციის 62%-ი ადგილობრივი წარმოების პროდუქციაა. ამის შესახებ „საქსტატის“ მიერ გამოქვეყნებულ ადგილობრივი ექსპორტის ანგარიშშია აღნიშნული, რომელის გამოქვეყნებაც სახელმწიფო სტატისტიკის სამსახურმა დღეიდან დაიწყო და საგარეო ვაჭრობის ჩვეულებრივ ანგარიშთან ერთად ყოველთვიურად გამოაქვეყნებს.

უფრო კონკრეტულად, „საქსტატის“ წინასწარი მონაცემებით, 2019 წელს საქართველოდან განხორციელებული საქონლის ექსპორტის მოცულობამ (არადეკლარირებული ექსპორტის გარეშე) 3 771.5 მლნ. აშშ დოლარი შეადგინა, რაც 12.4 პროცენტით აღემატება გასული წლის შესაბამის მაჩვენებელს. ექსპორტი რეექსპორტის გარეშე (ადგილობრივი ექსპორტი), მთლიანი ექსპორტის 62.4 პროცენტს შეადგენს. აღნიშნული მაჩვენებელი წინა წელთან შედარებით 5.7 პროცენტით გაიზარდა და 2 352.3 მლნ. აშშ დოლარს გაუტოლდა.

გასულ წელს, საქართველოდან ევროკავშირის ქვეყნებში განხორციელებული ადგილობრივი ექსპორტის მოცულობა 736.6 მლნ. აშშ დოლარით განისაზღვრა, რაც 17.2 პროცენტით მეტია წინა წლის შესაბამის მონაცემზე და ქვეყნის მთლიანი ადგილობრივი ექსპორტის 31.3 პროცენტს შეადგენს. ამასთან, აღნიშნულ პერიოდში საქართველოდან დსთ-ის ქვეყნებში განხორციელებული ადგილობრივი ექსპორტის მოცულობა 855.2 მლნ. აშშ დოლარით განისაზღვრა. აღნიშნული მაჩვენებელი 10 პროცენტით აღემატება წინა წლის შესაბამის მაჩვენებელს და ქვეყნის მთლიანი ადგილობრივი ექსპორტის 36.4 პროცენტს შეადგენს.

ადგილობრივი წარმოების ექსპორტის კუთხით უმსხვილესი საექსპორტო პარტნიორებია: რუსეთი (432.3 მლნ. აშშ დოლარი), ბულგარეთი (281.6 მლნ. აშშ დოლარი) და ჩინეთი (207.0 მლნ. აშშ დოლარი).
რაც შეეხება სასაქონლო ჯგუფებს, 2019 წელს ადგილობრივი ექსპორტის ათეულში პირველ ადგილზე სპილენძის მადნები და კონცენტრატები არის წარმოდგენილი 651.6 მლნ. აშშ დოლარით. აღნიშნული სასაქონლო ჯგუფის წილი მთლიანი ადგილობრივი ექსპორტის 27.7 პროცენტს შეადგენს. მეორე ადგილზეა ფეროშენადნობები 302.1 მლნ. აშშ დოლარით (მთლიანი ადგილობრივი ექსპორტის 12.8 პროცენტი) ხოლო მესამე ადგილს იკავებს ყურძნის ნატურალური ღვინოები 221.6 მლნ. აშშ დოლარით (მთლიანი ადგილობრივი ექსპორტის 9.4 პროცენტი).

აღსანიშნავია, რომ „საქსტატის“ მონაცემებით, 2019 წელს საქართველოდან ექსპორტირებულ პროდუქტებს შორის პირველ ადგილს მსუბუქი ავტომობილები იკავებს. 2019 წელს მსუბუქი ავტომობილების ექსპორტი 68.2%-ით გაიზარდა და 686.7 მლნ. აშშ დოლარი შეადგინა. იმის გათვალისწინებით, რომ ადგილობრივი წარმოების ექსპორტის სტატისტიკაში ავტომობილები არ ფიგურირებს, საქართველოდან ექსპორტზე გატანილი მსუბუქი ავტომობილები მთლიანად რეექსპორტს ( საზღვარგარეთიდან შემოტანილ და შემდეგ ექსპორტზე გატანილ პროდუქტს ) წარმოადგენს.

სასურსათო სექტორს შეუძლია იყოს ერთ-ერთი მნიშვნელოვანი დამსაქმებელი, რადგან ამ სექტორის ფუნქციონირება სასიცოცხლოდ აუცილებელია - ლევან დავითაშვილი

4 აპრილი, 2020 , 11:35

„ქართული ოცნების ხელისუფლებისთვის ადგილობრივი წარმოების მხარდაჭერა ყოველთვის იყო განსაკუთრებული პრიორიტეტი. პროექტებს, რომლებსაც ვახორციელებთ, აგრარული დარგის განვითარების სტრატეგია და სამოქმედო გეგმა თვითუზრუნველყ

პრემიერ-მინისტრმა ანტიკრიზისული ეკონომიკური პროგრამის შემუშავებაზე მსხვილი ბიზნესსექტორის წარმომადგენლებთან იმსჯელა

3 აპრილი, 2020 , 21:37

მსხვილი ბიზნესკომპანიების წარმომადგენლები საქართველოს პრემიერ-მინისტრის ინიციატივას, პოსტკრიზისულ ეტაპზე კომპანიების დახმარების მიზნით საკრედიტო-საგარანტიო სქემის შექმნის შესახებ ძალიან მნიშვნელოვან ნაბიჯად მიიჩნევენ. პ

ეკონომიკის სამინისტროს ვებგვერდზე გამოქვეყნდა განაცხადის ფორმა, რომელიც კომპანიებმა საქმიანობის გასაგრძელებლად ნებართვის მისაღებად უნდა შეავსონ - ნათია თურნავა

3 აპრილი, 2020 , 15:55

ეკონომიკისა და მდგრადი განვითარების მინისტრის ნათია თურნავას ინფორმაციით, ეკონომიკის სამინისტრომ, სხვა უწყებების ჩართულობით, უკვე დაასრულა მუშაობა სპეციალური აპლიკაციის ფორმებზე. აპლიკაციები განკუთვნილია იმ ბიზნესებისთვი

აგარაში წარმოების განახლებით ბაზარზე შაქრის მოთხოვნის დაკმაყოფილებას შევძლებთ - ნათია თურნავა

3 აპრილი, 2020 , 15:00

ჩვენ დღეს გვაქვს იმის შესაძლებლობა, რომ საკუთარი რესურსით და მხოლოდ ერთი წარმოების მუშაობის განახლებით, თითქმის ნახევრამდე, 50%-ით საკუთარი რესურსით უზრუნველვყოთ ადგილობრივ ბაზარზე შაქრის მოთხოვნის დაკმაყოფილება, - ამის

პროგრამა „აწარმოე საქართველოში“ ახალ ამოცანებზე გადაეწყობა - ნათია თურნავა

3 აპრილი, 2020 , 15:00

„ჩვენი მთავარი პოსტკრიზისული ამოცანა იმპორტის ჩამნაცვლებელი ქართული ბიზნესის განვითარება იქნება. ჩვენ უნდა ვიზრუნოთ იმაზე, რომ შევძლოთ საკუთარი თავის უზრუნველყოფა კრიტიკულად აუცილებელი პროდუქტებით. ყველგან, სადაც გ

გიორგი გახარიამ ეკონომიკის სამინისტროს დაავალა, მაქსიმალურად შეუწყოს ხელი ადგილობრივი წარმოების განვითარებას, მათ შორის ამუშავდება „აგარის შაქარი“

3 აპრილი, 2020 , 12:40

დღეს ჩვენ ფაქტობრივად ორ ფრონტზე ვიბრძვით - პირველი არის ჯანდაცვა, ჩვენი მოქალაქეების ჯანმრთელობა და სიცოცხლე და მეორე - ეკონომიკა; არანაირი მნიშვნელობა არ აქვს არც ერთ ფრონტზე სრულ გამარჯვებას, თუ ამ ორიდან რომელიმეზე დ