უკან

უახლესი ამბები

დღის კალენდარი

ანონსები

არქივი

საზოგადოება

28 ივლისი, 2018 15:30
font-size

2020 წელს საქართველო შესაძლოა, გახდეს პირველი ქვეყანა, რომელიც წარმატებით გაუმკლავდა C ჰეპატიტს - მამუკა ბახტაძე

ჰეპატიტი 21-ე საუკუნეში ყველაზე მძიმე გამოწვევაა. ვირუსული ჰეპატიტი არის ისეთი დაავადება, რომლის წინააღმდეგაც ბრძოლა მაქსიმალურ ძალისხმევას მოითხოვს, – განაცხადა პრემიერ-მინისტრმა, მამუკა ბახტაძემ C ჰეპატიტის საწინააღმდეგო ახალი კამპანიის – STOP C დაწყებასთან დაკავშირებულ ღონისძიებაზე.

მისივე თქმით, სამწუხაროდ, C ჰეპატიტი აღმოჩნდა დაავადება, რომლის მიმართაც ბევრი ქვეყანა დაუცველი აღმოჩნდა და საქართველოც მათ რიგში იყო.

„2012 წელს, როდესაც მოვედით ხელისუფლებაში, განვაცხადეთ, რომ ჩვენი მთავარი პრიორიტეტი იქნებოდა ადამიანი, მოქალაქე და მასზე ზრუნვა. პირველი ნაბიჯი იყო ჯანდაცვის ბიუჯეტის მკვეთრი გაზრდა. ამ ზრდაში ყველაზე მნიშვნელოვანი და პრიორიტეტული ადგილი დაიკავა C ჰეპატიტთან ბრძოლამ. ეს არის სერიოზული გამოწვევა, რომელიც აქვს მსოფლიოს. ჩვენი ნაბიჯები მიმართული იყო, რომ ამ გამოწვევას გავმკლავებოდით და გადაუჭარბებლად შეიძლება ითქვას, რომ საქართველო არის უნიკლაური ქვეყანა, რომელმაც ამ გამოწვევას წარმატებით გაართვა თავი“, – განაცხადა პრემიერმა.

მან ამერიკელ პარტნიორებს და კომპანია „გილიადს“ C ჰეპატიტის სამკურნალო მედიკამენტით უზრუნველყოფის საკითხთან დაკავშიებით მადლობა გადაუხადა.

„მადლობა მინდა გადავუხადო ამერიკელ მეგობრებს და ფარმაცევტულ კომპანია „გილიადს“, რომელთა დახმარების გარეშე წარმოუდგენელი იქნებოდა ამ ძალიან მნიშვნელოვანი და პრინციპული ნაბიჯების გადადგმა. ჩვენ თუ შევხედავთ ფასებს, დაახლოებით 80-90 ათასი აშშ დოლარი დასჭირდებოდა მოქალაქეს, რომ ამ თანამდეროვე პრეპარატებით ემკურნალა. რომ არა ჩვენი ამერიკელი კოლეგების დახმარება, მხოლოდ რამდენიმე ათეული მოქალაქე შეძლებდა ამ პრეპარატებით მკურნალობას. ჩვენ ამერიკელ პარტნიორებთან ერთად, მივაღწიეთ იმას, რომ ამ პრეპარატებით მკურნალობა, ყველასთვის არის ხელმისაწვდომი“, – განაცხადა პრემიერმა.

მისი თქმით, მოსახლეობის დაახლოებით მესამედმა გაიარა სკრინინგი და 50 000 მოქალამდე არის ჩართული სამკურნალო პროგრამაში.

„სკრინინგი ამ დაავადებასთან ბრძოლაში ძალიან მნიშვნელოვანი კომპონენტია. ამასთან, C ჰეპატიტი სტიგმა არ არის, იდეალური იქნება, თუ მოსახლეობის 100 პროცენტი გაივლის სკრინინგს, რათა ეფექტურად ვებრძოლოთ დაავადებას“, – განაცხადა პრემიერმა.

მისი თქმით, 2020 წელს საქართველო შესაძლოა, გახდეს პირველი ქვეყანა, რომელიც წარმატებით გაუმკლავდა C ჰეპატიტს, მისი ელიმინაციის და სრული აღმოფხვრის თვალსაზრისით.

„ეს იქნება სტიმული სხვა ერებისთვის, რომ თუ არსებობს საზოგადოების მობილიზება და სწორი სტრატეგია, ყველა დაავადების დამარცხება შესაძლებელია“, – აღნიშნა მამუკა ბახტაძემ.

აქვე, პრემიერმა მადლობა გადაუხადა საქართველოს მოქალაქეებს, რომლებიც ჩართული არიან პროგრამაში, მონაწილეობენ აღნიშნულ დაავადებასთან ბრძოლის შესახებ საზოგადოების ინფორმირებაში.

„მადლობა მინდა ასევე გადავუხადო ექიმებს, ჯანდაცვის სამინისტროს. დარწმუნებული ვარ, 2020 წელს C ჰეპატიტი საქართველოში იქნება სრულიად ელიმინირებული“, – განაცხადა პრემიერ-მინისტრმა.

ჰეპატიტებთან ბრძოლის საერთაშორისო დღესთან დაკავშირებით, ოკუპირებული ტერიტორიებიდან დევნილთა, შრომის, ჯანმრთელობის და სოციალური დაცვის სამინისტრომ, დაავადებათა კონტროლის ეროვნულ ცენტრთან ერთად, C ჰეპატიტის საწინააღმდეგო ახალი კამპანია – STOP C დაიწყო.

საკვანძო სიტყვები:

ორი წლის წინ საოკუპაციო რეჟიმმა არჩილ ტატუნაშვილი მოკლა - სალომე ზურაბიშვილი

22 თებერვალი, 2020 , 16:50

ორი წლის წინ საოკუპაციო რეჟიმმა არჩილ ტატუნაშვილი მოკლა, - ამის შესახებ საქართველოს პრეზიდენტი სალომე ზურაბიშვილი არჩილ ტატუნაშვილის მკვლელობის ორწლისთავთან დაკავშირებით „ტვიტერის“ გვერდზე წერს. „ორი წლ

ირანში ეპიდსიტუაციის გაუარესება მისი მეზობელი ქვეყნებისთვის სერიოზული პრობლემაა - ამირან გამყრელიძე

22 თებერვალი, 2020 , 16:50

კორონავირუსულ ინფექციასთან დაკავშირებით, ირანში ეპიდსიტუაციის გაუარესება მისი მეზობელი ქვეყნებისთვის სერიოზული პრობლემაა, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ჟურნალისტებ

თბილისის ინფექციურ საავადმყოფოში მოთავსებულ ირანის სამ მოქალაქეს კორონავირუსი არ დაუდასტურდა

22 თებერვალი, 2020 , 16:30

თბილისის ინფექციურ საავადმყოფოში მოთავსებულ ირანის სამ მოქალაქეს კორონავირუსი არ დაუდასტურდა. როგორც დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ჟურნალისტებს განუცხადა, ამ პაციენტების შემდგომი

წილკანში არჩილ ტატუნაშვილის სახელობის სკვერი გაიხსნა

22 თებერვალი, 2020 , 15:40

არჩილ ტატუნაშვილის მკვლელობიდან ორი წელი გავიდა. დღეს წილკანში ქართველი გმირის სახელობის სკვერი გაიხსნა. სკვერის გახსნას არჩილ ტატუნაშვილის ოჯახის წევრები და მეგობრები დაესწრნენ. წილკანში იმყოფებიან საქართველოს პრემიერ-მ

რაც დრო გადის, უფრო და უფრო აუტანელი და მტკივნეული ხდება ჩემი შვილის გახსენება - გიორგი ტატუნაშვილი

22 თებერვალი, 2020 , 15:15

რაც დრო გადის, უფრო და უფრო აუტანელი და მტკივნეული ხდება ჩემი შვილის გახსენება. უფრო გვიჭირს არჩილის გარეშე. უფრო აუტანელია ის, რომ არც ერთი დამნაშავე დასჯილი არ არის, – ამის შესახებ არჩილ ტატუნაშვილის მამამ, გიორგ

რაც არჩილ ტატუნაშვილმა ჩაიდინა, ბოლო წლების განმავლობაში გმირობის უდიდესი მაგალითი იყო - გიორგი გახარია

22 თებერვალი, 2020 , 14:30

ის, რაც არჩილ ტატუნაშვილმა ჩაიდინა, ბოლო წლების განმავლობაში იყო გმირობის უდიდესი მაგალითი და შესაბამისად, სამშობლოსთვის მოკლული ადამიანის გმირულად, თავდადებით ხსოვნა, ვფიქრობ, რომ ეს არის ის, რაც უნდა გვაერთიანებდეს, -

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`