ეკონომიკა
26 მაისიდან Small Planet Airlines ვარშავა-ბათუმი-ვარშავის მიმართულებით პირდაპირი რეისების განხორციელებას იწყებს
26 მაისიდან Small Planet Airlines ვარშავა-ბათუმი-ვარშავის მიმართულებით პირდაპირი რეისების განხორციელებას იწყებს. ავიაკომპანია ზაფხულის სეზონზე ფრენებს ყოველ კვირას ეარბას A320 ტიპის ავიახომალდებით შეასრულებს.
ლიტვური ავიაკომპანია Small Planet Airlines ევროპის სხვადასხვა მიმართულებით ფრენებს 2008 წლიდან ახორციელებს. კომპანიის მფლობელობაში 21 A320 ტიპის ავიახომალდია.
მოზაიკა. წიგნის ფესტივალი, კულტურისა და ძეგლთა დაცვის სამინისტრო
თბილისში წიგნის მე-19 საერთაშორისო ფესტივალი გაიმართება
თბილისი. მედიანიუსი. 24.05.17. 25-28 მაისს, საქართველოს კულტურისა და ძეგლთა დაცვის სამინისტროს მხარდაჭერითა და საქართველოს წიგნის გამომცემელთა და გამავრცელებელთა ასოციაციის ორგანიზებით, ექსპო ჯორჯიას მე-11 პავილიონი თბილისის წიგნის მე-19 საერთაშორისო ფესტივალს უმასპინძლებს.
ფესტივალი 25 მაისს, 13:00 საათზე ექსპო ჯორჯიას მე-11 პავილიონში გაიხსნება. ღონისძიებას საქართველოს კულტურისა და ძეგლთა დაცვის მინისტრი მიხეილ გიორგაძე დაესწრება.
კულტურისა და ძეგლთა დაცვის სამინისტროს ინფორმაციით, თბილისის წიგნის მე-19 საერთაშორისო ფესტივალი გამორჩეული იქნება ღონისძიებების მრავალფეროვნებით, მონაწილე საგამომცემლო სახლების, ავტორების, გამავრცელებლების, საელჩოების, უნივერსიტეტების, საერთაშორისო ფონდებისა და სხვადასხვა პროფილის ორგანიზაციების სიმრავლით. წელს ფესტივალის ფარგლებში 100-მდე კულტურული და საგანმანათლებლო ღონისძიება ჩატარდება.