უკან

უახლესი ამბები

დღის კალენდარი

ანონსები

არქივი

პოლიტიკა

20 თებერვალი, 2018 17:50
font-size

26 მაისის აღსანიშნავად იმ ქვეყნების წარმომადგენლები მოვიწვიეთ, რომლებმაც 100 წლის წინ აღიდგინეს დამოუკიდებლობა რუსული იმპერიისაგან თავის დაღწევით - გიორგი მაგველაშვილი

საქართველოს პრეზიდენტი გიორგი მარგველაშვილი კამპანიის "დამოუკიდებლობიდან თავისუფლებისაკენ - რესპუბლიკის 100 წელი" ფარგლებში თელავში, კახეთის რეგიონის სოფლის ბიბლიოთეკარებს შეხვდა და საქართველოს დამოუკიდებლობის 100 წლისთავთან დაკავშირებით დაგეგმილ საზეიმო ღონისძიებებში აქტიური ჩართულობისაკენ მოუწოდა.

შეხვედრა დღეს თელავის "დემოკრატიული ჩართულობის ცენტრში" შედგა და მას მოდერაციას საქართველოს ეროვნული ბიბლიოთეკის ხელმღვანელი გიორგი კეკელიძე უწევდა.

საქართველოს პრეზიდენტის განცხადებით, უახლოეს მომავალში გამოცხადდება ესეების კონკურსი და მასში ბიბლიოთეკების აუდიტორიის ჩართულობა ძალიან სასიკეთო იქნება ახალგაზრდობის ცნობიერების ამაღლებისა და ისტორიული მოვლენების გააზრება -შეფასებისათვის.

გიორგი მარგველაშვილის განცხადებით, უკვე რამდენიმე წელია სოფლის ბიბლიოთეკები პრეზიდენტის ადმინისტრაციისა და სარეზერვო ფონდის მხარდაჭერით განათლებისა და სოციალური ურთიერთობების სივრცეებად გადაიქცა, რაც ძალიან დასაფასებელია.

"მინდა გთხოვოთ, თქვენი შრომა მოახმაროთ იმას, რომ საზოგადოებამ კარგად და ღრმად გაიაზროს ამ თარიღის მნიშვნელობა და გააცნობიეროთ ის მოვლენები, რომელიც დამოუკიდებლობის 100 წლის განმავლობაში ვითარდებოდა. ამ თარიღის აღნიშვნისას ჩვენ ვცდილობთ იმ ქვეყნების წარმომადგენლები ჩამოვიყვანოთ საქართველოში 26 მაისს, რომლებმაც 100 წლის წინ აღიდგინეს დამოუკიდებლობა რუსული იმპერიისაგან თავის დაღწევის შედეგად", - აღნიშნა გიორგი მარგველაშვილმა ბიბლიოთეკარებთან შეხვედრისას.

საქართველოს პრეზიდენტმა იმ პროგრესულ იდეებზე გაამახვილა ყურადღება, რომელიც ჩვენმა წინაპრებმა პირველი რესპუბლიკის შექმნის შემდეგ განახორციელეს.

"სწორედ, ხვალ, 21 თებერვალს არის პირველი რესპუბლიკის მიერ მიღებული მთავარი დოკუმენტის - კონსტიტუციის შექმნის საიუბილეო თარიღი.

მაშინდელი კონსტიტუცია უმაღლესი დემოკრატიული სტანდარტის მატარებელი დოკუმენტია. ჩვენი წინაპრები მზად იყვნენ შეექმნათ თანამედროვე ეპოქის სახელმწიფო, სადაც ქალებს მიენიჭათ ხმის მიცემის უფლება, დაცული იყო ოპოზიციის უფლებები. მინდა, რომ ეს ემოცია გაიზიაროს საზოგადოებამ, სწორედ საქართველოს დამოუკიდებლობის აღდგენის თარიღთან მიმართებაში, გაიაზრონ ეპოქა და შეაფასონ ეს მოვლენები. იმედი მაქვს, რომ მოკლე ესეების კონკურსში თქვენი მკითხველებიც თავის წვლილს შეიტანენ. გადმოსცემენ და ასახავენ თანამედროვე ქართველის განცდებს.

ჩვენ რუსული იმპერიისაგან გავთავისუფლდით - რაღაცისგან დამოუკიდებლები გავხდით, ეს აღმაფრთოვანებელია, თავისთავად აღტაცებას ატარებს თავის თავში, მაგრამ ეს ბადებს თავისუფლების მოპოვების საჭიროებას. თავისუფლება დამატებითი შინაარსის მატარებელია, როცა მოძრაობ და მიისწრაფი რაღაც მიზნისათვის, ეს არის თავისუფლება - გააზრებული სწრაფვა მომავლისაკენ. უნდა ვიცოდეთ საით მივდივართ, რას ვგეგმავთ, როგორ ვიცხოვრებთ", - აღნიშნა გიორგი მარგველაშვილმა.

საქართველოს პრეზიდენტის განცხადებით, ამ მნიშვნელოვანმა თარიღმა ერისა და სახელმწიფოს მომავალი განსაზღვრა, განსაზღვრა ქვეყნის პოლიტიკური ორიენტაცია.

"ჩვენ 15 საუკუნის წინ გავაკეთეთ ევროპული პოლიტიკური არჩევანი, ერს, რომელსაც სახელმწიფოებრიობა გააჩნია, ჰყავს მეგობრები, მაგრამ ოკუპირებულია ძლიერი მეზობლის მიერ.

ამ სირთულეების დაძლევაში ჩვენი აქცენტი თავისუფალი მოქალაქეების და თავისუფალი საზოგადოების მიერ თავისუფალი სახელმწიფოს მშენებლობაზე უნდა გავაკეთოთ, რაც ჩვენს მომავალ განვითარებას უზრუნველყოფს", - განაცხადა საქართველოს პრეზიდენტმა და სოფლის ბიბლიოთეკარებს თავდაუზოგავი შრომისათვის მადლობა გადაუხადა.

საპროცედურო და იურიდიულმა კომიტეტებმა თანხმობა განაცხადეს, რომ პროკურატურამ სასამართლოს ნიკა მელიას დაპატიმრების შუამდგომლობით მიმართოს

26 ივნისი, 2019 , 14:57

პარლამენტის საპროცედურო საკითხთა და იურიდიულმა კომიტეტებმა თანხმობა განაცხადეს, რომ გენერალურმა პროკურატურამ სასამართლოს ნიკა მელიას დაპატიმრების შუამდგომლობით მიმართოს. გადაწყვეტილებას საპროცედურო კომიტეტის ექვსმა წევრმ

არც მიშას მოვერიდები, როდესაც პარლამენტში შეჭრის მცდელობას დავგმობ და არც ბიძინას მოვერიდები, როდესაც მელიას დაკავების მცდელობას პოლიტიკურ მზაკვრობას დავარქმევ - დავით უსუფაშვილი

26 ივნისი, 2019 , 14:47

„შენების მოძრაობის“ ლიდერი დავით უსუფაშვილის განცხადებით, ნიკა მელიას დაკავებით „ოცნება“ ცდილობს „სააკაშვილთან მიდენოს სრულიად ოპოზიციურად განწყობილი პოლიტიკური და საზოგადოებრივი ძალები&ldqu

„ივანიშვილი დაცემული ანგელოზია“ - ნატო ჩხეიძე

26 ივნისი, 2019 , 13:50

დამოუკიდებელმა დეპუტატმა ნატო ჩხეიძემ ორი კომიტეტის გაერთიანებულ სხდომაზე, რომელზეც ნიკა მელიასთვის იმუნიტეტის მოხსნაზე მსჯელობენ, ივანიშვილს დაცემული ანგელოზი უწოდა. „მე ვისურვებდი, რომ ღილაკზე ხელის მიჭერის დროს

ევროპის საბჭოს საქართველოს ოფისის ხელმძღვანელი პროპორციულ საარჩევნო სისტემასთან დაკავშირებით განცხადებას ავრცელებს

26 ივნისი, 2019 , 10:51

ევროპის საბჭოს საქართველოს ოფისის ხელმძღვანელი კრისტიან ურსე პროპორციულ საარჩევნო სისტემის დანერგვასთან დაკავშირებით განცხადებას ავრცელებს. „ვაგრძელებთ თანამშრომლობას ჩვენს ყველა პარტნიორთან, საქართველოში საარჩევნო

ნიკა მელიას დაპატიმრებაზე თანხმობისთვის პარლამენტმა კომიტეტების გაერთიანებული სხდომა დილის 9 საათზე ჩანიშნა

25 ივნისი, 2019 , 23:31

ნიკა მელიას დაპატიმრებაზე თანხმობისთვის პარლამენტმა ორი კომიტეტის გაერთიანებული სხდომა დილის 9 საათზე ჩანიშნა - ამის შესახებ ინფორმაცია საქართველოს პარლამენტის ვებგვერდზეა განთავსებული. დეპუტატ ნიკა მელიას წინააღმდეგ სის

პოლიტიკური პასუხისმგებლობა ეკისრებათ „ნაციონალური მოძრაობის“ ლიდერებს - მამუკა ბახტაძე

25 ივნისი, 2019 , 23:08

პოლიტიკური პასუხისმგებლობა ეკისრებათ „ნაციონალური მოძრაობის“ ლიდერებს, რომელთა უპასუხისმგებლო განცხადებებმა და ქცევებმა გამოიწვია ეს ძალიან მძიმე შედეგები, - ამის შესახებ საქართველოს პრემიერ-მინისტრმა „