სამართალი

26 წლის მამაკაცის დაჭრისთვის პოლიციამ ცხელ კვალზე 39 წლის პირი დააკავა

თელავში 26 წლის მამაკაცის დაჭრისთვის პოლიციამ 1979 წელს დაბადებული გ. ა. ცხელ კვალზე დააკავა.

შსს-ის კახეთის პოლიციის დეპარტამენტის თელავის რაიონული სამმართველოს თანამშრომლებმა დანაშაულის ჩადენის იარაღი - დანა ნივთმტკიცებად ამოიღო.

გამოძიება ჯანმრთელობის განზრახ მძიმე დაზიანების ფაქტზე მიმდინარეობს, საქართველოს სისხლის სამართლის კოდექსის 117 -ე მუხლის 1-ლი ნაწილით, რაც 6 წლამდე პატიმრობას ითვალისწინებს.

შემთხვევა სასაფლაოზე მოხდა. დაჭრას წინ სიტყვიერი შელაპარაკება უძღოდა. დაჭრილი თელავის რეფერალურ საავადმყოფოში გადაიყვანეს, სადაც გულ-მკერდის არეში სასწრაფო ოპერაცია ჩაუტარდა.