საზოგადოება

3 გარდაცვლილი და 2 დაშავებული - ავარია მარშალ გელოვანზე

თბილისში, მარშალ გელოვანის გამზირზე მომხდარ ავტოსაგზაო შემთხვევას 3 ადამიანი ემსხვერპლა. შედეგად დაშავდა 2 პირი.

შემთხვევის დროს ერთმანეთს 2 მსუბუქი ავტომობილი და ერთი მიკროავტობუსი შეეჯახა.

სამივე გარდაცვლილი „მერსედესში“ მყოფი პირია. არსებული ინფორმაციით, ავტომობილს აზერბაიჯანის სანომრე ნიშნები აქვს.

მომხდარზე გამოძიება 276-ე მუხლის მე-7 ნაწილით დაიწყო, რაც გულისხმობს სატრანსპორტო საშუალების ექსპლუატაციის ან უსაფრთხოების წესების დარღვევას, რამაც 2 ან მეტი პირის გარდაცვალება გამოიწვია.