უახლესი ამბები
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
პოლიტიკა
3 მილიარდ ლარზე მეტი თავდაცვის სფეროში, ფაქტობრივად, გაფლანგულია - ირაკლი აბესაძე
„ევროპული საქართველოს“ წევრმა, ირაკლი აბესაძემ, თავდაცვის მინისტრის, ლევან იზორიას პარლამენტში გამოსვლის კომენტირებისას განაცხადა, რომ თავდაცვის სფეროში 5 წლის განმავლობაში 3 მილიარდ ლარზე მეტი გაიფლანგა.
„დღევანდელმა მოსმენამ კიდევ ერთხელ ცალსახად დაადასტურა, რომ გასული 5 წელი და თითქმის 3 მილიარდ ლარზე მეტი თავდაცვის სფეროში ფაქტობრივად, გაფლანგულია“, - თქვა აბესაძემ.
დეპუტატის თქმით, თავდაცვის სამინისტროს მიდგომები იყო მცდარი.
„გეგმებზე საუბრისას ძნელია, დაიჯერო სამომავლოდ სწორი ნაბიჯების შესახებ იმ პოლიტიკური გუნდისგან, რომელიც 5 წლის განმავლობაში დაშვებულ სტრატეგიულ შეცდომებს დღეს ფაქტობრივად, არ აღიარებს, მხოლოდ გაკვრით საუბრობს და გვესაუბრება ნათელ მომავალზე. დღეს მინისტრს შევთავაზეთ კონკრეტული წინადადება, თუ როგორ შეიძლება დღეს არსებული რეალურად ადამიანების იძულებითი წაყვანა სამხედრო სამსახურში ვაქციოთ ნებაყოფლობითად, გავაჩინოთ სტიმული იმისთვის, რომ ახალგაზრდებს უხაროდეთ და სურვილი ჰქონდეთ სამხედრო-სავლდებულო სამსახურის გავლის და შემდეგ აგრძელებდნენ ყოფნას ქვეყნის სამხედრო სამსახურში. ამ ორივე მიმართულებით აქამდე თავდაცვის სამინისტროს მიდგომები შეიძლება შევაფასოთ მცდარად, რა იქნება მომავალში ვნახოთ, თუმცა ნაკლები იმედი გვაქვს სწორი ნაბიჯების იგივე პოლიტიკური გუნდისგან", - განაცხადა აბესაძემ.
დღეს ლევან იზორიამ თავდაცვისა და უშიშროების საპარლამენტო კომიტეტზე წარადგინა სამინისტროს საქმიანობის ანგარიში.