საზოგადოება
4 მძიმე პაციენტიდან 2-ის მდგომარეობა დასტაბილურდა - ეზუგბაია
ინფექციური საავადმყოფოს სამედიცინო დირექტორის მარინა ეზუგბაიას ინფორმაციით, ინფექციურ საავადმყოფოში მოთავსებული კორონავირუსით ინფიცირებული 33 პაციენტიდან 4-ის მდგომარეობა მძიმეა.
თუმცა, მისივე თქმით, 4 მძიმე პაციენტიდან ორის მდგომარეობა დასტაბილურდა და "შესაძლებელია პროგნოზირება, რომ მათი მდგომარეობის გაუმჯობესება დაიწყება".
"ასაკოვანი ქალის მდგომარეობა უცვლელად მძიმეა. რამდენიმე დღის წინ მიღებული პაციენტის მდგომარეობაც დამძიმდა, ისიც კრიტიკულია, არაინვაზიურ ვენტილაციაზეა. მას უტარდება მკურნალობა და ვნახოთ, პროგნოზირება შეიძლება მხოლოდ რამდენიმე დღის მკურნალობის შემდეგ", - აღნიშნა ეზუგბაიამ.
ცნობისთვის, საქართველოში კორონავირუსით ინფიცირების 85 დადასტურებული შემთხვევაა, აქედან 14 უკვე გამოჯანმრთელდა. კარანტინის რეჟიმში იმყოფება 4641 ადამიანი, ხოლო სტაციონარში მეთვალყურეობის ქვეშ — 239