უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
საზოგადოება
40-ზე მეტი სამარხის გათხრა მიმდინარეობს, სადაც სავარაუდოდ მოძიებული იქნება იმ ადამიანების ნეშტები, რომლებიც დაკარგულთა სიაში არიან - ქეთევან ციხელაშვილი
შერიგებისა და სამოქალაქო თანასწორობის საკითხებში სახელმწიფო მინისტრის აპარატისა და წითელი ჯვრის საერთაშორისო კომიტეტის ორგანიზებით, შეიარაღებული კონფლიქტების შედეგად უგზო-უკვლოდ დაკარგულ პირებთან დაკავშირებულ საკითხებზე უწყებათაშორისი შეხვედრა ჩატარდა, რომელსაც სახელმწიფო მინისტრმა ქეთევან ციხელაშვილმა უხელმძღვანელა.
შერიგებისა და სამოქალაქო თანასწორობის საკითხებში სახელმწიფო მინისტრის აპარატის ინფორმაციით, გაფართოებულ შეხვედრაზე, განხილულ იქნა წითელი ჯვრის საერთაშორისო კომიტეტის საქმიანობა, რომელიც 90-იან წლებში და 2008 წლის აგვისტოს შეიარაღებული კონფლიქტების შედეგად დაკარგული პირების მოძიებას, გამოვლენას და ოჯახებისათვის ნეშტების გადაცემას ისახავს მიზნად.
მათივე ცნობით, საუბარი შეეხო პროგრამის ძირითად ასპექტებს, მიღწეულ შედეგსა და არსებულ გამოწვევებს. ასევე, წითელი ჯვრის საერთაშორისო კომიტეტის 5 წლიანი სტრატეგიას (2017-2021), ახალი სამუშაო ჯგუფის შექმნის საკითხს.
წითელი ჯვრის საერთაშორისო კომიტეტის მიერ მოწვეულმა ექსპერტმა წარმოადგინა ეროვნული მექანიზმის შექმნასთან დაკავშირებული საერთაშორისო გამოცდილება. კომიტეტმა სტუმრებს უგზო-უკვლოდ დაკარგულ პირთა მოძიების პროგრამის ფარგლებში სამუშაოების სამომავლო მოცულობის გაანგარიშებაც გაუზიარა.
სახელმწიფო მინისტრმა შეხვედრას ნაყოფიერი უწოდა და განაცხადა, რომ საქმე, რომელიც წითელ ჯვართან ერთად კეთდება, მაღალი ჰუმანიტარული მნიშვნელობისაა.
„ყოველთვის უნდა გვახსოვდეს, რომ ძალიან დიდი ტრაგედიები გამოვიარეთ და რამდენი ადამიანია, რომელიც გაუნელებელი ტკივილით ცხოვრობს. რა თქმა უნდა, ძალიან ძნელია მსხვერპლის ოჯახის ნუგეში, მაგრამ ხშირად მათთვის დიდი შვებაა იმის ცოდნა, თუ სადაა მათი ახლობლის საფლავი. დღეს ჩვენ ვსაუბრობდით თუ რა სამუშაოა გასაწევი მომავალში. ამ პერიოდში 40-ზე მეტი სამარხის გათხრა მიმდინარეობს, სადაც სავარაუდოდ მოძიებული იქნება იმ ადამიანების ნეშტები, რომლებიც დაკარგულთა სიაში არიან. მათი რიცხვი დღეისათვის 2300-ს აღწევს. ძალიან ბევრი საქმეა გასაკეთებელი. სახელმწიფო მინისტრის აპარატი აფხაზურ მხარესთან ორმხრივი საკოორდინაციო კომისიის ფარგლებში, სახელმწიფო უსაფრთხოების სამსახური კი ოსურ მხარესთან სამმხრივი კომისიის ფარგლებში, წითელი ჯვრის კომიტეტის მეშვეობით ამ საკითხებზე მუშაობს. ვისაუბრეთ იმაზე, თუ როგორ გავაძლიეროთ ჩვენი მუშაობის ეფექტურობა მეტი კოორდინაციით. ძალიან მალე ალბათ სამუშაო ჯგუფს შევქმნით, სადაც ყველა შესაბამისი უწყება იქნება წარმოდგენილი, რომელიც პროცესში უკვე ჩართულია და საქმიანობა კიდევ უფრო ეფექტური გახდება,“ - განაცხადა სახელმწიფო მინისტრმა.
ცნობისთვის,საკოორდინაციო მექანიზმის მანდატი 1992-1993 წლების შეიარაღებული კონფლიქტის შედეგად და მის შემდგომ პერიოდში უგზო-უკვლოდ დაკარგული 2,200-ზე მეტი პირის ბედისა და ადგილსამყოფელის გარკვევას და მათი ოჯახის წევრების სათანადოდ ინფორმირებას ითვალისწინებს. მისი საქმიანობა მკაცრად განსაზღვრული, მხოლოდ ჰუმანიტარული ხასიათისაა. მექანიზმის საქმიანობის შედეგად 2010 წლიდან დღემდე ჯამში 129 სამარხის გახსნა და 430 ნეშტის ექსჰუმირება მოხერხდა. იდენტიფიცირებულია და ოჯახებს გადაეცა 163 პირის ნეშტი.
სახელმწიფო მინისტრის აპარატი მოუწოდებს ყველას, ვისაც შეიძლება ინფორმაცია ჰქონდეს საფლავის ადგილმდებარეობის ან დაკარგული პირების შესახებ, დაგვიკავშირდით ნომერზე (995 32) 2 93 17 45.