უკან

უახლესი ამბები

დღის კალენდარი

ანონსები

არქივი

საზოგადოება

18 სექტემბერი, 2017 16:30
font-size

4000-მდე აბიტურიენტი უნივერსიტეტის ბაკალავრიატის სტუდენტი გახდა

ივანე ჯავახიშვილის სახელობის თბილისის სახელმწიფო უნივერსიტეტში ახალი სასწავლო წელი დაიწყო. 4000-მდე აბიტურიენტი უნივერსიტეტის ბაკალავრიატის სტუდენტი გახდა, 2000-მდე ახალგაზრდა კი თსუ-ის სამაგისტრო და სადოქტორო პროგრამებზე ჩაირიცხა. მათ შორის საქართველოს ყველაზე მაღალრეიტინგული სტუდენტი მარიამ როგავა თბილისის სახელმწიფო უნივერსიტეტის პირველკურსელი გახდა. შეფასებისა და გამოცდების ეროვნული ცენტრის მონაცემების მიხედვით, საკონკურსო ქულებით პირველ ხუთეულში 3 მაღალრეიტინგული სტუდენტი თბილისის სახელმწიფო უნივერსიტეტის ფიზიკის და მათემატიკის მიმართულებების სტუდენტები არიან. სან დიეგოს უნივერსიტეტის ყველაზე მაღალრეიტინგულმა აბიტურიენტებმაც არჩევანი სწორედ თსუ-ის პროგრამებზე გააკეთეს. ყველაზე მაღალრეიტინგული სტუდენტები აქაც STEM მიმართულებებზე ლიდერობენ. თსუ-ს სტუდენტები გახდნენ მათემატიკასა და ქიმიაში მსოფლიო ოლიმპიადის ფინალისტები, მათემატიკის მსოფლიო ოლიმპიადის მე-5 ადგილის მფლობელს ალექსანდრე საათაშვილს კი რექტორის სტიპენდია მიენიჭა.

წელს პირველი ნაკადი მიიღო თსუ ეკონომიკის საერთაშორისო სკოლამ, სადაც ინგლისურენოვან საბაკალავრო პროგრამაზე 53 პირველკურსელია.

სწავლის დაწყება სტუდენტებს თსუ რექტორმა გიორგი შარვაშიძემ, რექტორის მოადგილემ მიხეილ ჩხენკელმა და ადმინისტრაციის ხელმძღვანელმა ნუნუ ოვსიანიკოვამ მიულოცეს.

თსუ რექტორის გიორგი შარვაშიძის განცხადებით, თბილისის სახელმწიფო უნივერსიტეტი ინარჩუნებს ლიდერობას, ყველაზე მაღალრეიტინგული სტუდენტები სწორედ თსუ-ში ჩაირიცხნენ. „მინდა მივულოცო სტუდენტებს გრძელი და საინტერესო გზის დაწყება. ეს არის არა მხოლოდ პირველი სასწავლო დღე, ასევე არის დასაწყისი სტუდენტური ცხოვრების, ნაბიჯი მომავალ კარიერაში, პროფესიაში, მეცნიერებაში“,- განაცხადა თსუ რექტორმა.

ღონისძიებაზე ერთიანი ეროვნული გამოცდის შედეგად თბილისის სახელმწიფო უნივერსიტეტში ჩარიცხული ყველაზე მაღალრეიტინგული სტუდენტები სამახსოვრო საჩუქრებით დაჯილდოვდნენ. კომპანია ჯეოსელმა“ მარიამ როგავა, როგორც საქართველოს ყველაზე მაღალრეიტინგული პირველკურსელი, სპეციალური საჩუქრით, iphone 7-ით დააჯილდოვა.

ყველაზე მაღალრეიტინგულმა სტუდენტმა მარიამ როგავამ არჩევანი თსუ-ზე მისთვის საინტერესო სასწავლო პროგრამის გამო გააკეთა. უნივერსიტეტის გაცვლითი პროგრამების ფართო არჩევანი კი მას მომავალი განვითარების საშუალებას მისცემს: „თსუ უამრავი გაცვლითი პროგრამის შანსს აძლევს სტუდენტებს და მეც იმედი მაქვს, რომ ვისარგებლებ ამ შესაძლებლობით. განსაკუთრებული დღე იყო ჩემთვის, იმიტომ, რომ თბილისის სახელმწიფო უნივერსიტეტში მოვედი პირველად და სწავლა დამეწყო, მაგრამ ორმაგად განსაკუთრებულია იმიტომ, რომ ასე თბილად შემხვდნენ, რექტორმა მომილოცა და ძალიან დიდი სითბო ვიგრძენი. კიდევ ერთხელ დავრწმუნდი, რომ სწორი არჩევანი გავაკეთე როდესაც თბილისის სახელმწიფო უნივერსიტეტში ჩავაბარე“.

დღესვე გამოცხადდა თბილისის სახელმწიფო უნივერსიტეტისა და „ჯეოსელის“ ერთობლივი პროექტის - სტუდენტური ლიტერატურული კონკურსის ახალი სეზონის დაწყება. „შემოდგომის ლეგენდა“ წელს მეცხრედ ჩატარდება. კონკურსში მონაწილეობის მიღება ყველა შემოქმედებითი ნიჭის მქონე სტუდენტს შეუძლია.

ახალ სასწავლო წელს თბილისის სახელმწიფო უნივერსიტეტი განახლებული ინფრასტრუქტურით ხვდება, რისთვისაც ერთ მილიონ ლარამდე გამოიყო. თბილისის მერიის მხარდაჭერით უნივერსიტეტის I, VI, IX, X და ბიბლიოთეკის კორპუსებთან დამონტაჟდა ველო-პარკინგები. თბილისის სახელმწიფო უნივერსიტეტში უკვე ამოქმედდა კვების ორი ობიექტი, რომელიც სტუდენტებს და უნივერსიტეტის თანამშრომლებს ხელმისაწვდომ ფასებში ემსახურება. შემოდგომაზე კიდევ 3 კვების ობიექტი გაიხსნება. ახალ სასწავლო წელს უნივერსიტეტის ახალი საერთო საცხოვრებელი უკვე მიიღებს სტუდენტების ნაკადს. ამჟამად მიმდინარეობს ლისის ტბის მიმდებარედ აშენებული 320 ადგილიანი საერთო საცხოვრებლის ინფრასტრუქტურის მოწყობა.

თბილისის სახელმწიფო უნივერსიტეტში 200-ზე მეტი აკრედიტებული პროგრამა მოქმედებს, უნივერსიტეტის 7 ფაკულტეტზე 20 ათასზე მეტი სტუდენტი სწავლობს. მათ შორის არიან, ქართულ ენაში მომზადების საგანმანათლებლო პროგრამაზე ჩარიცხული აფხაზურენოვანი, აზერბაიჯანულენოვანი და სომხურენოვანი სტუდენტები.

საკვანძო სიტყვები:

საქართველოში 23-25 იანვარს თოვლია მოსალოდნელი

22 იანვარი, 2020 , 16:50

23 იანვრიდან საქართველოში ამინდის გაუარესებაა მოსალოდნელი, – ამის შესახებ გარემოს ეროვნული სააგენტოს ინფორმაციაშია ნათქვამი. „23 იანვრიდან 25 იანვრამდე საქართველოში მოსალოდნელია ნალექი, უმეტესად თოვლის სახით,

ტექნიკურ უნივერსიტეტში რევაზ მიშველაძის იუბილე აღნიშნეს

22 იანვარი, 2020 , 16:50

საქართველოს ტექნიკურ უნივერსიტეტში ქართველი მწერლის, ნოველისტისა და საზოგადო მოღვაწის რევაზ მიშველაძის 80 წლის იუბილესადმი მიძღვნილი ღონისძიება გაიმართა - ამის შესახებ ინფორმაციას უნივერსიტეტის საზოგადოებასთან ურთიერთობი

ბრიტანული კომპანია OneWeb-ი საქართველოში სატელიტური ქსელის მომსახურებისთვის სპეციალური სადგურის მოწყობით დაინტერესდა

22 იანვარი, 2020 , 16:30

გლობალური კომუნიკაციების სფეროში ერთ-ერთი უმსხვილესი ბრიტანული სტარტაპ კომპანია OneWeb-ი საქართველოში სატელიტური ქსელის მომსახურებისთვის სპეციალური სადგურის მოწყობით არის დაინტერესებული, რომლითაც რეგიონს დაფარავს, - ამის

თქვენ ჩემთვის უფრო მეტად დაზარალებულები ხართ, ვიდრე ჩემი ოჯახი - ზაზა სარალიძე

22 იანვარი, 2020 , 16:30

ზაზა სარალიძე სოციალურ ქსელში გიორგი ჯანაშიას აღიარებით ჩვენებას ეხმაურება. სარალიძე წერს, რომ ხორავას ქუჩის ინციდენტში მონაწილის მშობლებს სამძმარს უცხადებს.„2017 წლის 1 დეკემბრიდან მოყოლებული მუდამ ვფიქრობდი, თუ რ

გარემოს დაცვისა და სოფლის მეურნეობის მინისტრის მოადგილე თურქეთის სახელმწიფო მეტეოროლოგიური სამსახურის გენერალურ დირექტორს შეხვდა

22 იანვარი, 2020 , 16:10

საქართველოს გარემოს დაცვისა და სოფლის მეურნეობის მინისტრის მოადგილე ნინო თანდილაშვილი თურქეთის სახელმწიფო მეტეოროლოგიური სამსახურის გენერალურ დირექტორს, ვოლკან კოსკუნის შეხვდა. ამის შესახებ „მედიანიუსს“ გარემ

`ბიძინას ბოსტანი` - აქციის მონაწილეებმა პარლამენტის წინ დამონტაჟებულ ღობეზე წარწერა გააკეთეს

22 იანვარი, 2020 , 16:10

სამოქალაქო მოძრაობის წევრებმა პარლამენტის შენობის წინ მიმდინარე სარეაბილიტაციო სამუშაოები აქცია-პერფორმანსით გააპროტესტეს. აქციის მონაწილეებმა პარლამენტის წინ დამონტაჟებულ ღობეზე პლაკატები გააკრეს და წარწერა "ბიძინას ბოს

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`