საზოგადოება
51-ე საჯარო სკოლის მოსწავლეებთან ფსიქოლოგები იმუშავებენ
განათლებისა და მეცნიერების სამინისტროს ფსიქოლოგები თბილისის 51-ე საჯარო სკოლის მოსწავლეებთან, მათ მშობლებთან, მეურვეებთან თუ კანონიერ წარმომადგენლებთან 24 საათიან რეჟიმში იმუშავებენ.
„გაცნობებთ, რომ საქართველოს განათლებისა და მეცნიერების სამინისტროს ფსიქოლოგები თბილისის 51-ე საჯარო სკოლის მოსწავლეებთან, მათ მშობლებთან, მეურვეებთან თუ კანონიერ წარმომადგენლებთან 24 საათიან რეჟიმში იმუშავებენ.
მათთან დასაკავშირებლად ფუნქციონირებს სამინისტროს ნომერი 2 200220 (შიდა 30-25) და ასევე, საგანგებოდ უქმე დღეებისთვის, ამუშავდა 24 საათიანი ფსიქო-კონსულტაციისთვის განკუთვნილი ტელეფონის ნომერი 577994181“, - ნათქვამია სამინისტროს განათლების სამინისტროს განცხადებაში.
შეგახსენებთ, რომ გუშინ თბილისში, ხორავას ქუჩაზე 51-ე სკოლის ორი მოსწავლე დაჭრეს. ერთ-ერთი საავადმყოფოში მიყვანამდე გარდაიცვალა, მეორე მოზარდის ჯანმრთელობის მდგომარეობა კი, კრიტიკულად მძიმეა.
მომხდართან დაკავშირებით გამოძიება განზრახ მკვლელობის მუხლითაა აღძრული.
ნინო ექვთიმიშვილი