რეგიონები

65 წლამდე მამაკაცს 11 წლის მოზარდის გაუპატიურების მცდელობაში ადანაშაულებენ

ქობულეთში 65 წლამდე მამაკაცს 11 წლის გოგონას გაუპატიურების მცდელობაში სდებენ ბრალს.

წუხელ რამდენიმე საათის განმავლობაში მეზობლები მის საცხოვრებელ სახლთან იმყოფებოდნენ და მამაკაცის დასჯას ითხოვდნენ.

შეკრებილებმა რამდენჯერმე საცხოვრებელ სახლში შეჭრაც სცადეს, თუმცა სამართალდამცველებმა მათ ამის საშუალება არ მისცეს.

სამართალდამცველებმა გამოკითხეს მცირეწლოვანის დედა. როგორც ის ჟურნალისტებთან საუბარში იხსენებს, მუქარა იყო მისი ვაჟის მიმართაც.

,,წამომყევი ოჩხამურისკენო, კარგი კამფეტები იყიდებაო, გიყიდიო, გაგაკატავებო, ფულსაც მოგცემ და დედაშენს და შენს ძმას არ უთხრაო. მეორე შემთხვევა იყო 30 აპრილს; აჩერებს ჩემს 12 წლის ბიჭს და ეუბნება, შენ რატომ უკრძალავ შენს დას ჩემს მანქანაში დაჯდომასო. არ აუკრძალო, თორემ დედაშენს მოვკლავ ან დავაჭერინებო, შენ კი მოგაჭრი თავს და ძაღლებს გადავუგდებო. ასახლდეს აქედან, არ გავაჩერებთ’’, - ამბობს მოზარდის დედა.

ნინო ექვთიმიშვილი