რეგიონები

75 წლის ქალს, რომელიც გურჯაანის ბაზარში დამლაგებელმა სცემა, ოპერაცია ჩაუტარდა

75 წლის ქალს, რომელსაც გურჯაანის აგრარულ ბაზარში 60 წლის დამლაგებელი ფიზიკურად გაუსწორდა, ოპერაცია ჩაუტარდა.

მედიკოსების ინფორმაციით, დაშავებულ ქალს ფეხი ჰქონდა მოტეხილი. ამჟამად მისი ჯანმრთელობის მდგომარეობა სტაბილურია. ის გურჯაანის ჯეო ჰოსპიტალშია მოთავსებული. გურჯაანის აგრარულ ბაზარში ორ დამლაგებელს შორის დაწყებული სიტყვიერი კონფლიქტი ფიზიკურ დაპირისპირებაში გადაიზარდა.

ბაზრის დირექტორის, ლამარა აკოფაშვილის ინფორმაციით, დამლაგებლებს შირის ჩხუბი დახლების დასუფთავებამ გამოიწვია.

მომხდარ ფაქტზე კახეთის პოლიციის დეპარტამენტის გურჯაანის რაიონულმა სამმართველომ გამოძიება საქართველოს სისხლის სამართლის კოდექსის 126-ე მუხლით დაიწყო, რომელიც ძალადობას გულისხმობს.

წყარო: PrimeTime.Ge