საზოგადოება

აბასთუმანში ხანძარი არ არის ისეთი მასშტაბური, როგორიც იყო ბორჯომის ხეობაში - გიორგი კვირიკაშვილი

საქართველოს პრემიერ-მინისტრის, გიორგი კვირიკაშვილის განცხადებით, აბასთუმნის ტყეში გაჩენილი ხანძარი არ არის ისეთი ძლიერი, როგორც ეს ბორჯომის ხეობაში იყო.

მისივე თქმით, ხანძრის ჩაქრობის პროცესში ვერტმფრენი აზერბაიჯანიდან და უკრაინიდან ჩაერთვება

ამის შესახებ პრემიერმა ჟურნალისტებს თურქმენეთში განუცხადა, სადაც მთავრობის წევრებთან ერთად ერთდღიანი სამუშაო ვიზიტით იმყოფება.

„აბასთუმანში ცეცხლის კერაა. ხანძარი არ არის ისეთი მასშტაბური, როგორიც ბორჯომის ხეობაში იყო. მიმდინარეობს აქტიური სამუშაოები. გუშინ საღამოს დამირეკა პრეზიდენტმა პოროშენკომ და შემოგვთავაზა თვითმფრინავის გამოგზავნა. მე როგორც ვიცი გზაშია თვითმფრინავი და სულ ახლო მომავალში შემოვა, რისთვისაც დიდი მადლობა მინდა გადავუხადო მას. ჩვენ ასევე, სავარაუდოდ გვექნება ვერტმფრენი აზერბაიჯანიდან. მინდა ასევე აზერბიაჯანის პრეზიდენტს გადავუხადო მადლობა არამარტო ამ დახმარებისთვის, არამედ წინა პერიოდში გამოვიყენეთ მათი ავაიაცია.

ვფიქრობთ, რომ ასეთი მოვლენების დროს ძალიან მნიშვნელოვანია რეგიონული თანამშრომლობა საგანგებო სიტუაციების კუთხით“,-აღნიშნა პრემიერმა.

მონიკა დავლიანიძე