უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
საზოგადოება
აბასთუმნის ტყეში მიმდინარე ხანძრის სალიკვიდაციო სამუშაოებში ირანის 2 ვერტმფრენი და მეხანძრე-მაშველთა 15-კაციანი ჯგუფი ჩაირთო
საგანგებო შტაბის ინფორმაციით, ამ დროისთვის აბასთუმნის შერეული ტყის მასივში ხანძარი სრულად ლოკალიზებულია და შინაგან საქმეთა სამინისტროს დანაყოფები ცეცხლის სალიკვიდაციო სამუშაოებს განაგრძობენ.
განცხადების თანახმად, დასახმარებლად ჩამოფრინდა ირანის 2 ვერტმფრენი და მეხანძრე-მაშველთა 15-კაციანი ჯგუფი.
კლიმატური პირობების გაუარესების მიუხედავად, ცეცხლის ახალი კერები არ გაჩენილა.
„შს მინისტრმა, გიორგი მღებრიშვილმა აბასთუმანში, შსს-ის საგანგებო სიტუაციების მართვის საველე შტაბში, თათბირი ჩაატარა. თათბირზე ბორჯომ-ხარაგაულის ეროვნულ პარკში, აბასთუმნის მიმდებარედ, შერეულ ტყის მასივში გაჩენილი ხანძრის სალიკვიდაციო სამუშაოები შეაფასეს, მომდევნო დღეების განმავლობაში განსახორციელებელ სამუშაოებზე იმსჯელეს და ძალების გადანაწილების ახალი გეგმა შეიმუშავეს.
ამ დროისთვის, ხანძარი ბორჯომ-ხარაგაულის ეროვნულ პარკში სრულად ლოკალიზებულია. ნახანძრალ ტერიტორიაზე გრძელდება ნიადაგის პრევენციული დამუშავება. კლიმატური პირობების გაუარესების მიუხედავად, არ წარმოქმნილა ხანძრის არცერთი ახალი კერა. ღამით, ორ ლოკაციაზე უმნიშვნელო დაკვამლიანება დაფიქსირდა, რისი ლიკვიდირებაც დაუყოვნებლივ, უმოკლეს ვადაში მოხდა.
ადგილზე რჩებიან შსს-ის საგანგებო სიტუაციების მართვის სააგენტოსა და განსაკუთრებულ დავალებათა დეპარტამენტის თანამშრომლები, შესაბამის ხანძარსაწინააღმდეგო ტექნიკასთან ერთად.
დღეს საქართველოში ირანიდან ჩამოფრინდა 2 ვერტმფრენი და მეხანძრე-მაშველთა 15-კაციანი ჯგუფი, რომლებიც ასევე ჩაერთვებიან ხანძრის სალიკვიდაციო სამუშოებში.
საგანგებო შტაბი და შინაგან საქმეთა სამინისტროს დანაყოფები ხანძრის სრულ ლიკვიდირებამდე ადგილზე მუშაობას განაგრძობენ“, - იუწყება საგანგებო შტაბი.
აბასთუმნის ტყეში ხანძარი 29 აგვისტოს გაჩნდა.
ანა მებურიშვილი