უკან

უახლესი ამბები

დღის კალენდარი

ანონსები

არქივი

რეგიონები

17 თებერვალი, 2017 14:35
font-size

აჭარაში ინტენსიურად თოვს

ახალი ნალექის სიმაღლე მაღალი ზონის სოფლებში 2 მეტრს აღწევს. ამ დროისათვის მუნიციპალიტეტებში სამუშაოებს ადგილობრივი მუნიციპალური ტექნიკის გარდა, აჭარის საავტომობილო გზების დეპარტამენტის 50 ერთეული მძიმე ტექნიკა ახორციელებს. მაღალი გამავლობის ტრანსპორტი შეუფერხებლად მოძრაობს ყველა მიმართულებით. ბოლო მონაცემებით თოვლის საფარი ქედის, შუახევისა და ხულოს მუნიციპალიტეტების დაბებში 1 მ-მდე მერყეობს. გაწმენდითი სამუშაოები დილიდან განახლდა და უწყვეტ რეჟიმში ხორციელდება. სამუშაოებში მუნიციპალიტეტების ცენტრებში მობილიზებული დამატებითი ტექნიკა და ადამიანური რესურსი ჩაერთო, - აცნობეს მედიანიუსს აჭარის მთავრობიდან.

გზები ინტენსიურად იწმინდება ხელვაჩაურშიც. კონტიგენტის გამოუცხადებლობის გამო სასწავლო პროცესი არ შედგა მუნიციპალიტეტის 4 საჯარო სკოლასა და 10 საბავშვო ბაღში.

ქედის მუნიციპალიტეტში უხვი ნალექის შედეგად საავტომობილო მიმოსვლა თითქმის ყველა მიმართულებით შეზღუდულია. სხვადასხვა მიმართულებით იწმინდება როგორც ადგილობრივი მნიშვნელობის გზები, ასევე ბათუმი-ახალციხის მაგისტრალის ქედის მონაკვეთი. სასწავლო პროცესი არ შედგა მუნიციპალიტეტის 12 საჯარო სკოლასა და არცერთ საბავშვო ბაგა-ბაღში.

ადმინისტრაციული ერთეულების ცენტრებთან და სოფლებთან მიმოსვლა შეზღუდულია შუახევის მუნიციპალიტეტშიც. თუმცა შეუფერხებლად გადაადგილდება ტრანსპორტი ბათუმი-ახალციხის საავტომობილო გზის შუახევის მონაკვეთზე. სასწავლო პროცესი არ შედგა 22 საჯარო სკოლასა და არცერთ საბავშვო ბაღში.

ბათუმი-ახალციხის საავტომობილო გზის ხულოს მონაკვეთზე ტრანსპორტის გადაადგილება შეფერხებულია. ინტენსიურად იწმინდება გზები სხვადასხვა მიმართულებით. მუნიციპალიტეტს მიეწოდება ელექტროენერგია. სასწავლო პროცესი არ შედგა 6 საჯარო სკოლასა და 12 საბავშვო ბაგა-ბაღში.

საქართველოს საავტომობილო გზების დეპარტამენტის ინფორმაციით საერთაშორისო და შიდა სახელმწიფოებრივი მნიშვნელობის გზებზე ტრანსპორტის გადაადგილება შეზღუდულია ზოგიერთ მონაკვეთებში. ბათუმი-ხულოს მონაკვეთის 44 კმ-ზე მეწყერია ჩამოწოლილი, მიმდინარეობს გაწმენდითი სამუშაოები. იწმინდება ბათუმი-ქედის ცენტრალური მაგისტრალი, ასევე იწმინდება გზა ხულო-გოდერძის უღელტეხილის 106 კმ-დან სათხილამურო ბაზამდე. ცალკეულ მონაკვეთებზე მოძრაობა დაშვებულია მოცურების საწინააღმდეგო ჯაჭვებით.

ენერგო-პრო-ჯორჯიას ინფორმაციით აჭარაში შუქი არ მიეწოდება 400 აბონენტს. შესაბამისი სამსახურები ინტენსიურად მუშაობენ დაზიანებული ელექტროგადამცემი ხაზების აღდგენაზე. ბუნებრივი აირი შეუფერხებლად მიეწოდება რეგიონის ყველა აბონენტს.

ბათუმსა და ქობულეთში ნალექის რაოდენობა მცირეა, გზებზე შეფერხხებები არ ფიქსირდება. შპს ,,სანდასუფთავების“ მობილური ჯგუფები ქალაქის მთელ ტერიტორიაზე ახორციელებენ ქუჩებისა და ტროტუარების თოვლისგან გაწმენდას. მუშაობს სპეციალური ტექნიკაც. ტროტუარები და გზის სავალი ნაწილი იწმინდება როგორც ქალაქის ცენტრალურ ნაწილში, ასევე გარეუბნებშიც.

საკვანძო სიტყვები:

სამეგრელო-ზემო სვანეთი საერთაშორისო ტურისტულ ფესტივალზე წარსდგება

21 თებერვალი, 2017 , 16:30

წელს პირველად, სამეგრელო-ზემო სვანეთი საერთაშორისო ტურისტულ გამოფენაში ITB BERLIN მიიღებს მონაწიელობას. რეგიონი გამოფენაზე ტურისტულ ობიექტებს წარდაგენს და საერთაშორისო ტურ-ოპერტორებს არსებულ პოტენციალს გააცნობს. სამეგრელ

საჯარო რეესტრი ბათუმში ნავიგაციის პროექტს იწყებს

20 თებერვალი, 2017 , 16:35

იუსტიციის სამინისტროს საჯარო რეესტრის ეროვნული სააგენტო ეროვნული სანავიგაციო სისტემის შექმნის პროექტს იწყებს. პროექტის პირველ ეტაპზე საველე-აღწერითი სამუშაოები ქ. ბათუმში განხორციელდება. საჯარო რეესტრის საველე ოპერატორებ

ფოთში საცხოვრებელ ბინაში გარდაცვლილი დედა-შვილი იპოვეს

20 თებერვალი, 2017 , 15:25

ფოთში, ცხრა აპრილის ქუჩაზე მდებარე ერთ-ერთ საცხოვრებელ კორპუსში გარდაცვლილი დედა-შვილი იპოვეს. ცხედრებს წყლით სავსე აბაზანაში მიაგნეს. არსებული ინფორმაციით, მათ ჯანმრთელობასთან დაკავშირებული პრობლემები ჰქონდათ. დილით მის

გზის რამდენიმე საუღელტეხილო მონაკვეთზე დაწესებულია მოძრაობის სპეციალური რეჟიმები

20 თებერვალი, 2017 , 11:40

საავტომობილო გზების დეპარტამენტის ინფორმაციით, საავტომობილო გზების დეპარტამენტის ინფორმაციით, თოვლისა და ლიპყინულის გამო, გზის რამდენიმე საუღელტეხილო მონაკვეთზე დაწესებულია მოძრაობის სპეციალური რეჟიმები. ცენტრალურ მაგისტ

გორის რაიონის სოფლებში ერთიანი აგროპროექტის ფარგლებში მოქმედ პროგრამებს გაეცნენ

18 თებერვალი, 2017 , 14:55

გორის რაიონის მაჟორიტარი დეპუტატი თენგიზ ხუბულური, ადგილობრივი ხელისუფლების წარმომადგნლებთან, სოფლის მეურნეობის პროექტების მართვის სააგენტოს პროგრამების მენეჯერებთან და სასოფლო-სამეურნეო კოოპერატივების განვითარების სააგე

საავტომობილო გზის რამდენიმე მონაკვეთზე დაწესებულია მოძრაობის სპეციალური რეჟიმები

18 თებერვალი, 2017 , 12:05

საავტომობილო გზების დეპარტამენტის ინფორმაციით, თოვლისა და ლიპყინულის გამო, გზის რამდენიმე მონაკვეთზე დაწესებულია მოძრაობის სპეციალური რეჟიმები. საავტომობილო გზების დეპარტამენტის შესაბამისი სამსახურები გაწმენდით სამუშაოებ