უახლესი ამბები
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
საზოგადოება
აჭარის ტელევიზია უნდა ეკუთვნოდეს საზოგადოებას და არა მმართველ პარტიას - „თავისუფალი საქართველო“
აჭარის ტელევიზიაში მიმდინარე პროცესებს „თავისუფალი საქართველოს“ აჭარის კომიტეტი ეხმაურება.
კომიტეტის წევრების განცხადებით, დღეს ვხედავთ ხელისუფლების მხრიდან აჭარის ტელევიზიის მითვისების მცდელობებს, რაც არავითარ შემთხვევაში არ უნდა დავუშვათ.
„აჭარის საზოგადიებრივ მაუწყებელში მიმდინარე პროცესები ძალიან მნიშვნელოვანია საზოგადოებისთვის, აქედან გამომდინარე გვსურს განვაცხადოთ, რომ ჩვენი გუნდი მხარს უჭერს აჭარის საზოგადოებრივი მაუწყებელის სრულ დამოუკიდებლობას ყველა პოლიტიკური ჯგუფისაგან.
ჩვენ ვთვლით, რომ საზოგადოებრივი მაუწყებელი არ უნდა ეკუთვნოდეს კონკრეტულად ოპოზიციას ან კონკრეტულად მთავრობას, ლიბერალებს, კონსერვატორებს თუ სხვა ჯგუფებს, საზოგადოებრივი მაუწყებელი უნდა ეკუთვნოდეს მხოლოდ საზოგადოებას და აქედან გამომდინარე მოქმედებდეს მაქსიმალურად ობიექტურად.
თუმცა დღეს ვხედავთ ხელისუფლების მხრიდან აჭარის ტელევიზიის მითვისების მცდელობებს, რაც არავითარ შემთხვევაში არ უნდა დავუშვათ და რასაც აუცილებლად უნდა მოყვეს საზოგადოებრივი პროტესტი.
პარტია „თავისუფალი საქართველოს“ აჭარის კომიტეტი სოლიდარობას უცხადებს საზოგადოებრივ მაუწყებელს და იმედოვნებს, რომ საზოგადოება გამოიჩენს ერთიანობას და წინ აღუდგება ანტიდემოკრატიულ პროცესებს“, - ნათქვამია პარტიის განცხადებაში.