კომენტარი

ადამიანების ჰოსპიტალიზაცია გართულებულია, საწოლები გადავსებულია - მაია ბუწაშვილი

სამწუხაროდ, ყველა რეკორდი მოვხსენით, გაზაფხულზე ამას არავინ ელოდა, - ამის შესახებ „რუსთავი 2“-ის ეთერში ინფექციონისტმა, მაია ბუწაშვილმა დღევანდელ ეპიდვითარებაზე საუბრისას განაცხადა.

„სტატისტიკა მართლაც ძალიან ცუდია. მთავარი პრობლემა ახლა ის არის, რომ ადამიანების ჰოსპიტალიზაცია გართულებულია, საწოლები გადავსებულია და ახლა მთელი ჩვენი ძალისხმევა იქითკენ უნდა იყოს მიმართული, რომ ეს რესურსი გონივრულად გამოვიყენოთ. ადამიანებმა თვითონ უნდა გააცნობიერონ, თუ ექიმი ეუბნება, რომ აუცილებელი არ არის სტაციონარი, ნუ ცდილობენ საავადმყოფოში შემოვლითი გზებით მოხვედრას და ასეთი არაერთი შემთხვევაა. ეს მდგომარეობა სწრაფად უნდა გამოსწორდეს. ჯერ კიდევ ბოლომდე ვერ გავაცნობიერეთ ჩვენს დღევანდელ მდგომარეობას, ადამიანები ისევ ისე წარმატებით იკრიბებიან, იხდიან წვეულებებს, დაბადების დღეებს. თავშეყრები მაქსიმალურად უნდა შევზღუდოთ. როგორღაც ვირუსი უნდა შევაკავოთ“, - განაცხადა მაია ბუწაშვილმა.