უკან

უახლესი ამბები

დღის კალენდარი

ანონსები

არქივი

სამართალი

23 მაისი, 2018 14:35
font-size

ადამიანის უფლებათა ცენტრი პროკურატურისგან ხორავას ქუჩაზე მოკლული ახალგაზრდების საქმეზე ახალი ფაქტების შესწავლას მოითხოვს

ადამიანის უფლებათა ცენტრი ეხმაურება 19 მაისს „რუსთავი 2“-ის გადაცემა „შაბათის კურიერში“ გასულ სიუჟეტს, რომელიც ეხებოდა თბილისში ხორავას ქუჩაზე მოკლული ახალგაზრდების საქმეს.

როგორც ორგანიზაციის მიერ გავრცელებულ განცხადებაშია აღნიშნული, სიუჟეტში ცალსახად და დადასტურებულად იკვეთება ცალკეული პირების დანაშაულებრივი ქმედებები.

,,კერძოდ, გამოქვეყნებული ვიდეოკამერის ჩანაწერით დასტურდება, რომ 2017 წლის 1 დეკემბერს მომხდარი დანაშაულის შემდეგ, სიუჟეტში ნახსენები პირები აქტიურად ცდილობდნენ, გაენადგურებინათ დანაშაულის დამადასტურებელი მტკიცებულებები, რაც გარკვეულწილად მოახერხეს კიდეც.

გარდა ამისა, მას შემდეგ, რაც მიიღეს ინფორმაცია მძიმე დანაშაულის შესახებ, სიუჟეტში ნახსენებმა დამალეს დანაშული. უფრო მეტიც - ცდილობდნენ გადაემალათ დანაშაულის ჩამდენი პირები, მათი პასუხისგებიდან არიდების მიზნით.

მ.კ.-ს სახლთან არსებული ვიდეოთვალის ჩანაწერებიდან ნათლად დასტურდება, რომ შემთხვევის შემდეგ პროკურატურის მაღალჩინოსანი მირზა სუბელიანი იმყოფებოდა მ.კ.-ს ოჯახში. მას შემდეგ, რაც იგი ტოვებს ამ ოჯახს, დაახლოებით ერთ წუთში ეზოდან გადის ავტომანქანა, რომელშიც მ.კ. და ერთ-ერთი ბრალდებული იმყოფებიან. აღნიშნული ადასტურებს მირზა სუბელიანის სავარაუდო მონაწილეობას დამნაშავე პირების დამალვასა და პასუხისმგებლობის მათთვის არიდების გეგმის შემუშავებასა და შესრულებაში.

კიდევ ერთი პირი, რომლის სავარაუდო მონაწილეობაც იკვეთება აღნიშნულ საქმეში გიორგი თურქიაა. მისი ავტომანქანაც არაერთხელ ფიგურირებს კადრებში.

ადამიანის უფლებათა ცენტრის დახმარებით, გარდაცვლილი დავით სარალიძის მამამ - დაზარალებულმა ზაზა სარალიძემ წერილობით მიმართა მთავარ პროკურატურას და მოითხოვა, სასწრაფო რეაგირება მოახდინოს „შაბათის კურიერში“ გასულ ვიდეოკადრებთან დაკავშირებით“, - აცხადებენ ,,ადამიანის უფლებათა ცენტრში.“

აქვე, ორგანიზაცია მოუწოდებს პროკურატურას, დაკითხოს მირზა სუბელიანი.

20-21 ივნისის მოვლენების შედეგად დაშავებულებს პროკურატურა დაზარალებულის სტატუსს კვლავ არ ანიჭებს - საია

25 მაისი, 2020 , 11:35

თბილისი. მედიანიუსი. 25.05.20. პროკურატურამ 2019 წლის 20-21 ივნისის მოვლენების შედეგად დაშავებულ 23 პირს, რომელთა ინტერესებს საია იცავს, დაზარალებულის სტატუსის მინიჭებაზე ისევ უარი უთხრა, – ამის შესახებ ინფორმაციას

მამის მკვლელობის ბრალდებით პოლიციამ ახალგაზრდა მამაკაცი დააკავა

25 მაისი, 2020 , 11:02

შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის დეტექტივების და ქუთაისის საქალაქო სამმართველოების თანამშრომლებმა, ცხელ კვალზე ჩატარებული ოპერატიულ-საგამოძიებო მოქმედებების შე

ყალბი საგადასახადო დოკუმენტების დამზადება-გამოყენების ფაქტზე ერთი პირი დააკავეს

25 მაისი, 2020 , 10:15

საქართველოს ფინანსთა სამინისტროს საგამოძიებო სამსახურის თანამშრომლებმა, ოპერატიულ-სამძებრო და საგამოძიებო მოქმედებების შედეგად, ყალბი საგადასახადო დოკუმენტების დამზადება-გამოყენების, ქონების მესაკუთრის მოტყუებით დიდი ოდე

გიორგი რურუას საქმეზე ბრალდების მხარის მოწმეები დაიკითხებიან

25 მაისი, 2020 , 10:15

თბილისის საქალაქო სასამართლოში გიორგი რურუას საქმის განხილვა დღეს გაგრძელდება. დღევანდელ სხდომაზე ბრალდების მხარის მოწმეები დაიკითხებიან. გიორგი რურუას ადვოკატის ინფორმაციით, სხდომაზე მოწმედ წარმოდგენილნი იქნებიან პოლიცი

თბილისის სააპელაციო სასამართლო მიხეილ კალანდიას საჩივრის განხილვას იწყებს

25 მაისი, 2020 , 10:15

25 მაისიდან თბილისის სააპელაციო სასამართლო მიხეილ კალანდიას სააპელაციო საჩივრის განხილვას იწყებს. როგორც ადვოკატი ზურაბ თოდუა განმარტავს, დაცვის მხარე სასამართლოს პირველი ინსტანციის სასამართლოს მიერ გამოკვლეული ყველა მას

გამოძალვის ბრალდებით მახინჯაურის განყოფილების უბნის ისნპექტორ-გამომძიებელი დააკავეს

23 მაისი, 2020 , 17:39

შინაგან საქმეთა სამინისტროს გენერალური ინსპექციის თანამშრომლებმა, ჩატარებული ოპერატიულ-საგამოძიებო მოქმედებების შედეგად, გამოძალვის ფაქტზე, მახინჯაურის განყოფილების უბნის ისნპექტორ-გამომძიებელი - მ. დ დააკავეს. დანაშაული