სამართალი
ადვოკატები დეკანოზ გიორგი მამალაძის პატიმრობაში დატოვებას დღეს სააპელაციოში გაასაჩივრებენ
ე.წ. ციანიდის საქმეზე ბრალდებულ დეკანოზ გიორგი მამალაძის ადვოკატები დღეს დეკანოზის პატიმრობაში დატოვებას სააპელაციოში გაასაჩივრებენ, თუმცა დაცვის მხარეს იმედი არ აქვს, რომ მათი მოთხოვნა დაკმაყოფილდება.
როგორც ადვოკატი, მიხეილ რამიშვილი ამბობს, მიუღებელია ის არგუმენტები, რის საფუძველზეც თბილისის საქალაქო სასამართლომ მამა გიორგი მამალაძეს აღკვეთის ღონისძიების ფორმა პატიმრობა გირაოთი არ შეუცვალა.
„არც ერთი მოთხოვნა პროკურატურის მხრიდან არ იყო დასაბუთებული. ისინი მხოლოდ და მხოლოდ ზოგადად საუბრობდნენ, რომ ის ჩაიდენს დანაშაულს. კითხვაზე რა დანაშაულს ამაზე პასუხი არ არსებობდა. ის თურმე ზეწოლას მოახდენს მოწმეებზე, რომელ მოწმეებზე მაგაზეც პასუხი არ გააჩნდათ,“-აცხადებს მიხეილ რამიშვილი.
შეგახსენებთ, რომ ორი დღის წინ სასამართლომ პროკურატურის შუამდგომლობა დააკმაყოფილა და შოთაძის უწყებას ,,ციანიდის’’ საქმესთან დაკავშირებით მტკიცებულებების მოსაპოვებლად კიდევ ერთი თვე მისცა.
ნინო ექვთიმიშვილი