უკან

უახლესი ამბები

დღის კალენდარი

ანონსები

არქივი

სამართალი

15 მაისი, 2018 16:10
font-size

ადვოკატთა ასოციაცია ფინანსთა სამინისტროს საგამოძიებო სამსახურს ადვოკატებზე ზეწოლაში ადანაშაულებს

საქართველოს ადვოკატთა ასოციაცია ფინანსთა სამინისტროს საგამოძიებო სამსახურს ადვოკატებზე ზეწოლაში ადანაშაულებს და პროკურატურას საქმის დროულად გამოძიებისკენ მოუწოდებს.

როგორც დღეს გამართულ პრესკონფერენციაზე ადვოკატთა ასოციაციის თავმჯდომარემ, დავით ასათიანმა განაცხადა, საუბარია ფინანსური პოლიციის გამომძიებელ ჟიული ტაბაღუას მხრიდან ადვოკატების მოწმედ დაბარებაზე იმ სისხლის სამართლის საქმესთან დაკავშირებით, რომელზეც საადვოკატო საქმიანობას თავად ახორციელებენ.

მისივე ინფორმაციით, ადვოკატების ლიკა ბითაძისა და ფიქრია მახარაძის წინააღმდეგ გამომძიებელი ჟიული ტაბაღუა მათ კლიენტებს იყენებს.

ადვოკატთა ასოციაციაში განმარტავენ, რომ კანონმდებლობის თანახმად, არ შეიძლება ადვოკატი დაიკითხოს მოქმედ იმ საქმეზე, რომელზეც ის მონაწილეობდა როგორც ადვოკატი.

,,აქ შეიძლება ადგილი ჰქონდეს ადვოკატის საქმიანობაში უხეშ ჩარევას, მათზე გარკვეულწილად ზეწოლის განხორციელების მცდელობას. ამასთან, რა თქმა უნდა, სრულად მიუღებელია, როდესაც ადვოკატის დაკითხვას ითხოვს საგამოძიებო ორგანო იმ ფაქტებთან დაკავშირებით, რომელიც ადვოკატისთვის ცნობილი გახდა მის წარმოებაში არსებულ საქმესთან დაკავშირებით. ეს არის კონფიდენციალობის პრინციპის დარღვევის მცდელობა რაც არის საფუძველთა-საფუძველი ადვოკატის და კლიენტის ურთიერთობის და მისი ნდობის. შესაბამისად, კლიენტებზე განხორციელებული ზეწოლა, მათი დამუშავება, რომ მოხდეს ადვოკატის დისკრედიტაცია და ადვოკატების წინააღმდეგ ჩვენებების მიღება არის სრულიად წარმოუდგენელი დარღვევა, რომელიც ხელს უშლის ადვოკატს განახორციელოს მისი პირდაპირი ფუნქცია. ეს არის ადვოკატის ინსტიტუტისთვის მნიშვნელოვანი გამოწვევა. ჩვენ ველოდებით სწრაფ რეაგირებას საქართველოს მთავარი პროკურატურისგან,“ - განაცხადა ასათიანმა.

დღევანდელ პრესკონფერენციას ესწრებოდნენ თავად ადვოკატები - ლიკა ბითაძე და ფიქრია მახარაძე.

როგორც ფიქრია მახარაძემ აღნიშნა, მის კლიენტს, რომელმაც გამოძიებას სადავო დოკუმენტაცია წარუდგინა, ფინანსური პოლიციის გამომძიებელმა, ურჩია ყალბი დოკუმენტების წარდგენის გამო სისხლის სამართლებრივი პასუხისმგებლობის თავიდან ასაცილებლად, დოკუმენტების გაყალბება ადვოკატებისთვის დაებრალებინა.

,,კლიენტს უნდოდა თავიდან აეცილებინა აღნიშნული ქვითრების სიყალბის ბრალდება. გამოსავალი რომ თავად ვერ იპოვა, გამომძიებელმა შესთავაზა ეს გამოსავალი. არაფერი იყო მისი მხრიდან ჩვენების შეცვლა და თქმა, რომ ის ორი ქვითარი არ მოუტანია, რომელზეც თავდაპირველად ჩვენებაში დააფიქსირა, რომ თავად მოიტანა. გამოძიებას სიყალბის ფაქტი დადასტურებული აქვს, ამიტომ უნდა ადვოკატების მიმართ საქმე აღძრას“, - განაცხადა ფიქრია მახარაძემ.

თავის მხრივ, როგორც ლიკა ბითაძემ განაცხადა, მას საკუთარი კლიენტი მამუკა თათარაშვილი დაუკავშირდა და უთხრა, რომ გამომძიებელი მასზე ზეწოლას ახდენდა და მოუწოდებდა ადვოკატების გარეშე შეხვედრისკენ.

,,მამუკა თათარაშვილი დამიკავშირდა სრული აღშფოთებით, რომ გამომძიებელმა ჟიული ტაბაღუამ დაურეკა მას და ცდილობდა ზეწოლას და ასევე ადვოკატების წინააღმდეგ ეწეოდა პროპაგანდას, რომ არა ვართ ჩვენ სანდოები. ჩემი პრაქტიკის განმავლობაში მსგავსი რამ არ მსმენია, რომ მომხდარიყოს გამომძიებლის მხრიდან მოწმის დაბარება ამ კუთხით. ეჭვი მაქვს, ეს არის პირდაპირი ინტერესი ადვოკატების მიმართ. ამას ასე ნამდვილად არ დავტოვებთ. აუცილებლად საერთაშორისო ასპარეზზე გავიტანთ და უკვე ევროსაბჭოში იქნება განხილული ეს თემა“, - განაცხადა ლიკა ბითაძემ.

ოჯახში ძალადობისა და ცივი იარაღის ტარებისთვის ბრალდებულს 2 წლით თავისუფლების აღკვეთა მიესაჯა

23 იანვარი, 2019 , 16:38

თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და ოჯახში ძალადობისა და ცივი იარაღის ტარებისთვის ბრალდებული პ. თ. დამნაშავედ ცნო. გენერალური პროკურატურის ინფორმაციით, სასამარ

4 წლის გარდაცვლილი გოგონას დედა თავს დამნაშავედ არ მიიჩნევს - ადვოკატი

23 იანვარი, 2019 , 16:31

თბილისში, სანზონაში გარდაცვლილი 4 წლის გოგონას დედა, ლელა ქსოვრელი თავს დამნაშავედ არ მიიჩნევს, - ამბობს ადვოკატი ნინო ტაბატაძე. „მან კანონით მინიჭებული დუმილის უფლება აირჩია, ის თავს დამნაშავედ არ ცნობს და არ აღია

ნაზი ჯანეზაშვილი და ანა დოლიძე 278 მოსამართლეს სათითაოდ უგზავნიან პერსონალურ წერილს

23 იანვარი, 2019 , 13:33

საქართველოს იუსტიციის უმაღლესი საბჭოს არამოსამართლე წევრები, ნაზი ჯანეზაშვილი და ანა დოლიძე 278 მოსამართლეს სათითაოდ უგზავნიან პერსონალურ წერილს: პატივცემულო მოსამართლეებო, გადავწყვიტეთ დღეს მოგვემართა თქვენთვის, რადგან

ჭიდაობის ფედერაციის პრეზიდენტი გეგა გეგეშიძე დაკავებულია

23 იანვარი, 2019 , 10:25

შინაგან საქმეთა სამინისტრომ, საქართველოს ჭიდაობის ფედერაციის პრეზიდენტი თამაზ (გეგა) გეგეშიძე, სპორტის სასახლეში მომხდარ ფაქტთან დაკავშირებით, სისხლის სამართლის კოდექსის 126-ე მუხლის 1-ელი ნაწილით დააკავა, რაც ძალადობას

თბილისში ოთხი წლის გოგონას გარდაცვალების საქმეზე დედა დააკავეს

22 იანვარი, 2019 , 20:37

თბილისში ოთხი წლის გოგონას გარდაცვალების საქმეზე დედა დააკავეს. 2014 წელს დაბადებული გოგონას გარდაცვალების შესახებ დღეს გახდა ცნობილი. ფაქტზე გამოძიება შსს-მ სისხლის სამართლის კოდექსის 116-ე მუხლით დაიწყო, რაც გაუფრთხილე

ყაჩაღობასა და სასამართლო გადაწყვეტილების შესრულებისთვის ხელის შეშლაში ბრალდებულებს 10 და 12 წლით თავისუფლების აღკვეთა მიესაჯათ

22 იანვარი, 2019 , 15:41

თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და ჯგუფურად ჩადენილ ყაჩაღობასა და სასამართლო გადაწყვეტილების შესრულებისთვის ხელის შეშლაში ბრალდებულები ზ.ჩ. და ბ.ლ. დამნაშავედ ცნო

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`