უკან

უახლესი ამბები

დღის კალენდარი

ანონსები

არქივი

საზოგადოება

10 თებერვალი, 2017 13:55
font-size

აფხაზეთისა და სამხრეთ ოსეთის საზოგადოებებში ოჯახში ძალადობა ერთ-ერთ რთულ პრობლემას წარმოადგენს - საქართველოს სახალხო დამცველი

საქართველოს სახალხო დამცველმა მედიის წარმომადგენლებს ოკუპირებულ აფხაზეთსა და ცხინვალის რეგიონში 2014-2016 წლებში ქალთა და ბავშვთა უფლებების მდგომარეობის შესახებ სპეციალური ანგარიში წარუდგინა.

როგორც სახალხო დამცველი აღნიშნავს, კონფლიქტები განსაკუთრებით მძიმე გავლენას ახდენს ქალთა და ბავშვთა მდგომარეობაზე. კონფლიქტის ტრავმა და მძიმე სოციალური პირობები პირდაპირ აისახება ოჯახში ძალადობაზე, რომლის მსხვერპლიც ყველაზე ხშირად ქალები და ბავშვები არიან. თუმცა, მცირეა იმ არასამთავრობო ორგანიზაციათა რიცხვი, რომლებიც ამ რეგიონებში ქალთა და ბავშვთა უფლებებზე მუშაობენ. არ ხდება მდგომარეობის სისტემატური მონიტორინგი და კვლევა.

აფხაზეთისა და სამხრეთ ოსეთის საზოგადოებებში ოჯახში ძალადობა ერთ-ერთ რთულ და ამასთან, დაფარულ პრობლემას წარმოადგენს. ოჯახში ძალადობის მსხვერპლს მილიციაში სერიოზულად არ აღიქვამენ და თავს არიდებენ ასეთ შემთხვევებში ჩარევას. სახალხო დამცველის ინფორმაციით, ძალადობის მსხვერპლ ქალთა მცირე ნაწილი ახერხებს აფხაზეთიდან საქართველოს მიერ კონტროლირებად ტერიტორიაზე გადმოსვლას და აქ არსებული სერვისებით სარგებლობას. სიტუაციას გააუმჯობესებდა ზუგდიდში ოჯახში ძალადობის მსხვერპლთა თავშესაფრის არსებობა, რომელიც გეოგრაფიულად უფრო ხელმისაწვდომი იქნებოდა აფხაზეთიდან გადმოსული ძალადობის მსხვერპლთათვის.

პრობლემურია აფხაზეთში 2016 წლის დასაწყისში აბორტის აკრძალვა, რაც როგორც აფხაზურმა სამოქალაქო საზოგადოებამ, ისე დე ფაქტო სამთავრობო უწყებებმა უარყოფითად შეაფასეს. იმის გათვალისწინებით, რომ ჩასახვის საწინააღმდეგო საშუალებები აფხაზეთის ტერიტორიაზე არ არის ფართოდ გავრცელებული, აბორტის აკრძალვა სავარაუდოდ გამოიწვევს თვითნებური აბორტების რიცხვის ზრდას, რაც სახიფათოა ქალის სიცოცხლისა და ჯანმრთელობისათვის.

კონფლიქტურ რეგიონებში ბავშვთა უფლებების დაცვა ძირითადად ადგილობრივი და საერთაშორისო ორგანიზაციების იმედადაა დარჩენილი, ისიც მცირე მოცულობის ინიციატივების დონეზე.

ოკუპირებულ ტერიტორიებზე სერიოზული პრობლემებია საავადმყოფოების აღჭურვის და სამედიცინო პერსონალის კვალიფიკაციის კუთხით, რაც აუარესებს ბავშვთა ჯანმრთელობის უფლება. მაგალითად, გალის რაიონის საავადმყოფოებში საერთოდ არ ფუნქციონირებს რეანიმაციული განყოფილება. ბავშვთა რეანიმაციული განყოფილება არათუ გალში, ზუგდიდშიც არ არის. ზუგდიდის მუნიციპალიტეტში ასევე არ არის მცირეწლოვანი ბავშვებისათვის შესაბამისი აღჭურვის მქონე სასწრაფო დახმარების მანქანა და საჭირო ხდება ბავშვების გადაყვანა ქუთაისში ან თბილისში.

არასრულწლოვნებისათვის პრობლემას ასევე ქმნის გადაადგილებისათვის საჭირო დოკუმენტების არ ქონა. ბავშვზე, რომლის თუნდაც ერთ მშობელს არ აქვს აფხაზური პასპორტი, არ გაიცემა დაბადების მოწმობა და შესაბამისად, არც პირადობის დამადასტურებელი რაიმე დოკუმენტი. დოკუმენტების არქონის გამო კი ბავშვები ვერ ახერხებენ გამყოფ ხაზზე გადმოსვლას და საქართველოს მოქალაქეობის დამადასტურებელი დოკუმენტების მიღებას. ამ მიზეზით, გალის, ოჩამჩირისა და ტყვარჩელის რაიონებში ცხოვრობენ არასრულწლოვანები, რომელთაც არც აფხაზურ და არც ქართული საბუთები არ აქვთ.

სახალხო დამცველისათვის საგანგაშოა, რომ დოკუმენტების არქონის გამო, ხშირია არასრულწლოვანთა დაკავებები, რომლებიც შემოვლითი გზებით ცდილობენ გამყოფ ხაზზე გადაადგილებას. სახალხო დამცველისთვის არაერთი შემთხვევის შესახებ გახდა ცნობილი, როდესაც რუსულ სამხედრო ბაზებზე ბავშვების, მათ შორის ჩვილი ბავშვების და მისი მშობლების დაკავების დროს ადგილი აქვს არასათანადო და ღირსების შემლახავი მოპყრობის, როგორიცაა სიტყვიერი შეურაცხყოფა, საკვებისა და სასმელი წყლის შეზღუდვა.

ასევე, ხშირია შემთხვევები, როდესაც არასრულწლოვანი პაციენტები შემოვლითი გზებით კვეთენ გამყოფ ხაზს და ამისთვის 2-3 დღეს გამყოფი ხაზის სოფლებში ყოვნდებიან, რომ შესაფერისი დრო მოძებნონ გადასასვლელად. ამას, არც თუ იშვიათად ჯანმრთელობის მდგომარეობის გართულება მოჰყვება, და ეს ასეთი ფაქტები ჯანმრთელობის დაცვის უფლების ხელყოფად უნდა შეფასდეს.

სახალხო დამცველის ანგარიშში ასევე წარმოდგენილია რეკომენდაციები ზემოთ აღნიშნული პრობლემების აღმოსაფხვრელად.

„თავისუფალი საქართველო“ - პარტიამ ზუგდიდში მეწარმის გამოსახლება შეაჩერა

11 აგვისტო, 2020 , 15:40

პარტია „თავისუფალმა საქართველომ“ ზუგდიდში მეწარმის გამოსახლება შეაჩერა. აღნიშნულ ინფორმაციას პარტიის პრესსამსახური ავრცელებს. მათივე ცნობით, ზუგდიდის რაიონულ სასამართლოში განიხილებოდა „საქართველოს ბანკი

სამშობლო ის უმაღლესი ღირებულებაა, რისთვისაც შინდისის გმირები 2008 წელს იბრძოდნენ - სალომე ზურაბიშვილი

11 აგვისტო, 2020 , 15:40

სამშობლო ის უმაღლესი ღირებულებაა, რისთვისაც შინდისის გმირები 2008 წელს იბრძოდნენ, – აცხადებს საქართველოს პრეზიდენტი სალომე ზურაბიშვილი. „თავდადებისთვის მზადყოფნა ჩვენი ეროვნული სულისკვეთებაა. საქართველო აქამდ

გარდაიცვალა პროფესორი, ძველი ქართული მწერლობის ცნობილი მკვლევარი გრივერ ფარულავა

11 აგვისტო, 2020 , 15:40

84 წლის ასაკში გარდაიცვალა პროფესორი, ძველი ქართული მწერლობის ცნობილი მკვლევარი გრივერ ფარულავა. თბილისის ივანე ჯავახიშვილის სახელობის სახელმწიფო უნივერსიტეტის მიერ აღზრდილი ფილოლოგთა არაერთი თაობა გრივერ ფარულავას სტუდე

შინდისის გმირების სახელები უნდა გვახსოვდეს, პატივი უნდა მივაგოთ და ჩვენი შვილები უნდა გავზარდოთ ამ მაგალითით - გიორგი გახარია

11 აგვისტო, 2020 , 15:40

ჩემთვის უდიდესი პატივია, დღეს, საქართველოს ამ ერთ-ერთ ყველაზე ლამაზ კუთხეში მქონდეს შესაძლებლობა თქვენთან საუბრის. ჩვენ, ყველანი ქართველები ვართ, საქართველოში ვართ და უნდა გავიხსენოთ დღევანდელი დღე. დღეს 11 აგვისტოა და ზ

საქართველოს ბანკი მცირე და საშუალო ბიზნესის მხარდაჭერას განაგრძობს

11 აგვისტო, 2020 , 15:10

საქართველოს ბანკი ბიზნესის მხარდაჭერის ფარგლებში სხვადასხვა სფეროს წახალისებას აგრძელებს. ბანკისა და სააფთიაქო ქსელის „შპს ფარმანეტი“-ს პარტნიორობით კომპანიამ თემქაზე კიდევ ერთი, რიგით მეხუთე ფილიალი გახსნა.

აუქციონზე 50 000 000 ლარის ნომინალური ღირებულების ფასიანი ქაღალდები გაიყიდა

11 აგვისტო, 2020 , 15:10

საქართველოს ეროვნული ბანკი ფინანსთა სამინისტროს სახაზინო ვალდებულების აუქციონის შედეგს აქვეყნებს, რომლის თანახმადაც, დღეს სახაზინო ვალდებულებების აუქციონზე 50 000 000 ლარის ნომინალური ღირებულების ფასიანი ქაღალდები გაიყიდ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე