აფხაზეთის ე.წ. შინაგან საქმეთა სამინისტროს მიერ განხორციელებული ოპერატიული სამუშაოების შედეგად, დღეს გულრიფშში, სოფელ განახლების ტყის მასივში, 9 ივნისს აფხაზეთის დრანდის ციხიდან გაქცეული სამი პატიმრიდან, ორი ბაჩო ხაზალია და ბიძინა ხასია დააკავეს.

,,აპსნი პრესის” ცნობით, ამ დროისათვის დაკავებულები აფხაზეთის ე.წ. საგამოძიებო ორგანებს ჩვენებას აძლევენ.

დრანდის ციხიდან გაქცეული მესამე პატიმრის ბადრი ხაზალიას ძებნა კი ამ დრომდე მიმდინარეობს.

შეგახსენებთ, რომ აფხაზეთში, გულრიფშში მდებარე დრანდის ციხიდან 9 ივნისს სამი პატიმარი ბადრი და ბაჩო ხაზალიები და ბიძინა ხასია გაიქცა.