აფხაზური მედიის მტკიცებით, გალის რაიონში აფხაზეთის დე-ფაქტო უშიშროების სამსახურმა სპეცოპერაცია ჩაატარა და “ქართული დივერსიული დაჯგუფების” წევრი მოკლა.

გავრცელებული ინფორმაციით, ქართველი დივერსანტი აფხაზეთის ტერიტორიაზე დივერსიული აქტების განხორციელებას აპირებდა. აფხაზურმა მხარემ მისი დაკავება სცადა, თუმცა მან შეიარაღებული წინააღმდეგობა გასწია, რის შედეგადაც დაიღუპა.

გარდა ამისა, დაკავებულია გალის რაიონის სოფელ პრიმორსკში მცხოვრები სამი პირი: გურამ, გოგიტა და პაატა ბუთბაიები, რომელთაც ქართულ სპეცასამხაურებთან თანამშრომლობა ედებათ ბრალად.