უახლესი ამბები
არქივი
პოლიტიკა
აფთიაქიდან ფსიქოტროპული საშუალებების გადინების აღსაკვეთად საკანონმდელო ბერკეტები უნდა გაძლიერდეს - აკაკი ზოიძე
საპარლამენტო უმრავლესობაში ნარკოპოლიტიკის ცვლილებაზე მსჯელობენ.
საკითხთან დაკავშირებით გარკვეული აზრთა სხვადასხვაობაა, თუმცა მმართველი გუნდის წარმომადგენლები თანხმდებიან, რომ სახელმწიფო მკაცრი უნდა იყოს ნარკოტიკული საშუალებების გამსაღებლებთან დაკავშირებით, ხოლო შედარებით ლოიალური იყოს მომხმარებლების მიმართ.
„ეს მთავარი პრინციპი არის, რომ ადამიანის მიმართ იყოს ლოიალური, მაქსიმალური ყურადღება, ყურადღებით იყოს სახელმწიფო და მაქსიმალური სიმკაცრე იყოს გამოჩენილი იმ ადამიანების მიმართ, ვინც ავრცელებს, ან ყიდის ნარკოტიკებს. პრინციპი ერთია, ხედვები, მიდგომები ამ პრინციპების მისაღწევად არის განსხვავებული, რაზეც ვიმსჯელებთ,“- განაცხადა გია ვოლსკიმ.
თავის მხრივ, როგორც პარლამენტის ჯანდაცვისა და სოციალურ საკითხთა კომიტეტის თავმჯდომარე, აკაკი ზოიძე ამბობს, აფთიაქიდან ფსიქოტროპული საშუალებების გადინების აღსაკვეთად საკანონმდელო ბერკეტები უნდა გაძლიერდეს.
„გამსაღებელთა სამუდამო პატიმრობა, მაღალი საპატიმრო სასჯელები რჩება, პლუს ემატება, აფთიაქიდან ფსიქოტროპული საშუალებების გადინების საკანონმდელო ბერკეტები, რომელიც ამ გადინებას შეაჩერებს,“- განაცხადა პარლამენტის ჯანდაცვისა და სოციალურ საკითხთა კომიტეტის თავმჯდომარემ, აკაკი ზოიძემ.