უკან

უახლესი ამბები

დღის კალენდარი

ანონსები

არქივი

კომენტარი

28 მაისი, 2018 11:35
font-size

აღიარეთ, რომ სარალიძე თქვენი ხელისუფლების „გირგვლიანია“! - ნიკა მელია კახა კალაძის განცხადებაზე

„ნაციონალური მოძრაობის“ ერთ-ერთმა ლიდერმა, ნიკა მელიამ დედაქალაქის მერი კახა კალაძე გააკრიტიკა იმ განცხადების გამო, რომელიც ეხებოდა გუშინ, პარლამენტის წინ გამართულ აქციას სახელწოდებით #ნუმომკლავ, რომლის მონაწილეებმა ხორავას ქუჩაზე მომხდარი მკვლელობის ორგანიზატორებისა და მათი მკვლელობის დაფარვის მონაწილეების დასჯა მოითხოვეს.

მელიამ აღნიშნა, რომ კალაძემ გირგვლიანის საქმის გახსენებით გაათანაბრა ეს მკვლელობა ხორავას ქუჩაზე მომხდარ გარჩევასთან. გარდა ამისა, პოლიტიკოსმა დაადანაშაულა თბილისის მერი გირგვლიანის საქმით სპეკულირებაში.

„ენმ“-ის ლიდერმა დასძინა, რომ როგორც წინა სახელისუფლებო გუნდმა აგო პასუხი გირგვლიანის საქმის გამო, ისეთივე ბედი ელოდება „ქართული ოცნების“ მთავრობასაც ხორავას ქუჩაზე მომხდარი მკვლელობის გამო.

„დღეს ათასობით ადამიანმა გამოუცხადა სოლიდარობა ზაზა სარალიძეს. როგორც ჩანს, სწორედ აქციის მრავალრიცხოვნებამ გამოიყვანა მწყობრიდან დედაქალაქის მერი კალაძე, რომელიც საზოგადოების რეაქციას გამოეხმაურა ყოვლად სამარცხვინო განცხადებით.

მივმართავ, საზოგადოების სამართლიანი პროტესტით აღშფოთებულ კალაძეს:

თქვენ ამ განცხადებით ფაქტობრივად აღიარეთ სარალიძისა და გირგვლიანის საქმის იდენტურობა! დიახ, აღიარეთ, რომ სარალიძე თქვენი ხელისუფლების „გირგვლიანია“! თუ ასე არაა, რატომ გაგახსენათ ამ აქციამ გირგვლიანი? თურმე დღესაც გახსოვთ, როგორ გინახავთ პირველად გამწარებეული დედა ირინა ენუქიძე და მის მოწოდებაზე გამოსული მხოლოდ ათიოდე მოქალაქე. წლების წინ, იმ აქციაზე თქვენ არ მდგარხართ - ხელისუფლების ფავორიტობა და პრემიერ ნოღაიდელთან ერთად მრავალმილიონიანი ბიზნესები არ გეთმობოდათ.

თქვენგან განსხვავებით კი მე, ნიკა მელია, ის ვარ, ვინც მაშინ ჯერ კიდევ სტუდენტი, იმ საპროტესტო აქციებზე ვიდექი და ირინა ენუქიძის ტკივილს თქვენსავით გადმოცემით არ ვიზიარებდი. ასე რომ, როდესაც დღეს ჩვენ გვიწოდებთ „ამორალურ პირებს“ და „გაკვირვებას“ ვერ მალავთ საზოგადოებისადმი ჩვენი დამოკიდებულების გამო, სჯობს თქვენს იმდროინდელ დამოკიდებულებებსაც გადახედოთ და გაიხსენოთ, რომ ირინა ენუქიძე და სანდრო გირგვლიანი მაშინ გაგახსენდათ, როცა თქვენი და მაშინდელი ხელისუფლების გზები გაიყო და ეს ტრაგედია პოლიტიკური სპეკულაციებისთვის დაგჭირდათ.

აქვე მინდა შეგახსენოთ და გაგაფრთხილოთ, „გირგვლიანის საქმის“ გამო, ნაციონალურმა მოძრაობამ პოლიტიკურად უკვე აგო პასუხი 2012 წლის არჩევნებზე და სარალიძის გამო, სწორედ თქვენს გუნდს მოუწევს მძიმე პოლიტიკური ფასის გადახდა!“, - დაწერა მელიამ ფეისბუკის საკუთარ გვერდზე.

თბილისის მერი აქციას სახელწოდებით #ნუმომკლავ სოციალურ ქსელში გამოეხმაურა. მან სოლიდარობა გამოუცხადა ხორავას ქუჩაზე მოკლული დავით სარალიძის მამას, ზაზა სარალიძეს. მან გაიხსენა სანდრო გირგვლიანის მკვლელობის საქმე და აღნიშნა, რომ წინა ხელისუფლების პირობებში მოკლულის დედამ სამართალი ვერ იპოვა. კალაძემ „ნაციონალური მოძრაობის“ წევრები გააკრიტიკა და მოსახლეობისადმი „ცინიკურ დამოკიდებულებაში“ დაადანაშაულა.

გუშინდელი აქცია ხორავას ქუჩაზე მოკლული დავით სარალიძის მამის, ზაზა სარალიძის ორგანიზებით ჩატარდა. მან შეკრებილებს მიმართა და სთხოვა, არ დაუშვან ახალგაზრდების სისხლისღვრა. მისი ინფორმაციით, დამოუკიდებელმა ექსპერტიზამ დაადასტურა, რომ მკვლელობის დროს ორი დანის გარდა კიდევ სხვა საგნები იყო გამოყენებული. სარალიძემ დასძინა, რომ სამხარაულის ექსპერტიზის ბიურომ ერთ-ერთი დანა გაანადგურა, ხოლო პროკურატურა მის დისკრედიტაციას ცდილობს.

აქციას შეუერთდა პანკისის ხეობის სოფელ დუისში ჩატარებული სპეცოპერაციის შედეგად მოკლული თემირლან მაჩალიკაშვილის მამა, მალხაზ მაჩალიკაშვილი, ასევე ყოფილი სახალხო დამცველი უჩა ნანუაშვილი და სხვადასხვა პოლიტიკური პარტიის წარმომადგენლები. ზაზა სარალიძეს სოლიდარობა გამოუცხადეს ძიუდოისტებმა, რომლებმაც გუშინ მორიგი აქცია გამართეს ძიუდოს ფედერაციის ხელმძღვანელის, დავით ქევხიშვილის გადადგომის მოთხოვნით.

ცნობისთვის, ხორავას ქუჩაზე ორი მოზარდი 2017 წლის 1-ელ დეკემბერს დაჭრეს. ერთი მოზარდი საავადმყოფოში მიყვანამდე გარდაიცვალა, მეორე მოზარდი კი, ექიმების მცდელობისა და რამდენიმე ოპერაციის ჩატარების მიუხედავად, მომდევნო დღეს საავადმყოფოში დაიღუპა.

როდესაც ევროკავშირთან საქართველოს ურთიერთობები ფრენებზე ყალიბდება, რასაკვირველია, პროფესიონალურად განიხილება და არა ჰარიჰარალოდ- გიორგი ვოლსკი

8 ივლისი, 2020 , 16:00

როდესაც ევროკავშირთან საქართველოს ურთიერთობები ფრენებზე ყალიბდება, რასაკვირველია, პროფესიონალურად განიხილება და არა ჰარიჰარალოდ, - ამის შესახებ პარლამენტის თავმჯდომარის პირველმა მოადგილემ, გიორგი ვოლსკიმ განაცხადა, რომელ

აშშ-ს პოლიტიკა საქართველოსთან მიმართებაში სტიმულირების ფაზიდან გადადის იძულების ფაზაში - გია ხუხაშვილი

7 ივლისი, 2020 , 14:30

ეს არის გარკვეული ქმედება, მაგრამ ეს არ არის კატასტროფა. ეს არის ქმედება, რომელიც უფრო გაფრთხილებისთვის არის განკუთვნილი, ვიდრე დასჯისთვის, - ასე შეაფასა გია ხუხაშვილმა აშშ-ის წარმომადგენელთა პალატის ასიგნებების კომიტეტი

კოლექტიური დირექტორები „ქართული ოცნებიდან“ ტელევიზიებში?! ეს ხომ ადამიანების შეურაცხყოფაა! არ გამოუვათ! - დავით ჭიჭინაძე

7 ივლისი, 2020 , 11:13

კოლექტიური დირექტორები „ქართული ოცნებიდან“ ტელევიზიებში?! ეს ხომ ადამიანების შეურაცხყოფაა! მაგრამ, სულ რომ კანონში ჩაწერონ, „ოცნება“ მარადიული გახდესო, მაინც ვერ დარჩებიან,- ასე ეხმიანება პოლიტიკუ

ველოდებით, როდის გამოაცხადებს ოპოზიცია ჭაკუას პოლიტპატიმრად - ირაკლი კობახიხე

3 ივლისი, 2020 , 16:55

ჭაკუას ექსტრადიცია შეახსენებს ყველას, რომ არც ერთი დანაშაული დაუსჯელი არ დარჩება. ახლა ველოდებით, როდის გამოაცხადებს ოპოზიცია ჭაკუას პოლიტპატიმრად,- ასე ეხმიანება საპარლამენტო უმრავლესობის წევრი, ირაკლი კობახიძე გერმანიი

გიორგი გახარია რურუაზე: ყველა დამნაშავე და კრიმინალი უნდა იჯდეს ციხეში და ამას პოლიტიკურ პროცესთან კავშირი არ უნდა ჰქონდეს

3 ივლისი, 2020 , 15:40

სისხლის სამართლის ყველა დამნაშავე და კრიმინალი უნდა იჯდეს ციხეში და ამას პოლიტიკურ პროცესთან კავშირი არ უნდა ჰქონდეს, - ამის შესახებ საქართველოს პრემიერ-მინისტრმა გიორგი გახარიამ ქუთაისში, რურუას საქმესთან დაკავშირებით დ

გიორგი გახარია ვიქტორ ჯაფარიძის მილიონებზე: `თუ არსებობს იოტისოდენა საფუძველი, მოკვლევა დაიწყება`

3 ივლისი, 2020 , 15:40

თუ არსებობს იოტისოდენა საფუძველი, მოკვლევა დაიწყება - ამბობს პრემიერ მინისტრი "ქართული ოცნების" დეპუტატის, ვიქტორ ჯაფარიძის კომპანიებსა და მის მოგებულ ტენდერებთან დაკავშირებით. როგორც "საერთაშორისო გამჭვირვალობის" კვლევი

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე