პოლიტიკა

აღმასრულებელი ხელისუფლება მზადაა ყველა შესაძლო სცენარის მართვისთვის - არჩილ თალაკვაძე

საპარლამენტო უმრავლესობის წევრის, არჩილ თალაკვაძის ინფორმაციით, ხელისუფლება მზადაა ყველა შესაძლო სცენარისთვის. ამის შესახებ მან პარლამენტის რიგგარეშე სხდომაზე განაცხადა.

„ყველაფერი კეთდება მოსახლეობის უსაფრთხოებისთვის. მიღებულია ყველა სათანადო ზომა. დასახლებულ პუნქტებთან დგას სახანძრო-სამაშველო ბრიგადები. ადგილზე არსებობს წყლის რეზერვი და ჩემი ინფორმაციით, აღმასრულებელი ხელისუფლება მზადაა ყველა შესაძლო სცენარის მართვისთვის“, - განაცხადა თალაკვაძემ.

დეპუტატის ცნობით, წყლის ავზიანი ვერტფრენებისთვის დამატებითი რეზერვუარებია შექმნილი.

„სამოქალაქო საზოგადოებისა და ხელისუფლების უპრეცენდენტო ერთიანობაა. პრემიერ-მინისტრი კვირიკაშვილი ხელმძღვანელობს საგანგებო შტაბს, სადაც ყველა შესაბამისი უწყებაა მობილიზებული და ერთიანი კოორდინაციის ქვეშაა. გუშინ მთელი ღამის განმავლობაში მიმდინარეობდა მოსამზადებელი სამუშაოები რეზერვების მობილიზაციისა და შევსების კუთხით. შეიქმნა დამატებითი რეზერვუარები მდინარის კალაპოტში ვერტმფერნებისთვის. ყველაფერი კეთდება იმისთვის, რომ რაც შეიძლება მოკლე დროში მოხდეს სტიქიის ლიკვიდაცია და მე მჯერა, რომ ჩვენ შევძლებთ ამ სტიქიასთან გამკლავებას. ამის საფუძველს მაძლევს ის უპრეცენდენტო ერთიანობა, რაც არსებობს სტიქიის წინააღმდეგ“, - განაცხადა თალაკვაძემ.

უმრავლესობის წევრმა ხანძრის სალიკვიდაციო სამუშაოებში მონაწილე ყველა ადამიანს მადლობა გადაუხადა.

შეგახსენებთ, საქართველოს პარლამენტმა ერთხმად (116 ხმით) მხარი დაუჭირა პრეზიდენტის აქტს ბორჯომის ხეობაში საგანგებო სიტუაციაზე რეაგირების მიზნით, საქართველოს სამხედრო ძალების გამოყენების შესახებ.

დღეს პარლამენტის რიგგარეშე სხდომაზე მხოლოდ ეს საკითხი განიხილებოდა. გუშინ საქართველოს პრემიერ-მინისტრმა გიორგი კვირიკაშვილმა საქართველოს პრეზიდენტს, გიორგი მარგველაშვილს ქვეყნის რეგიონებში გაჩენილი ხანძრის ლიკვიდაციის მიზნით, „სამხედრო ძალების გამოყენების წარდგინებით“ მიმართა.

ბორჯომის ხეობაში ხანძარი 20 აგვისტოს გაჩნდა. ამ ეტაპზე ცეცხლი ლოკალიზებულია და დარჩენილია რამდენიმე კერა.

ანა მებურიშვილი

საკვანძო სიტყვები:

ნულოვანი თამაში საქართველოში დასრულებულია და მხოლოდ ერთადერთი გზა დაგვრჩა: შეთანხმების, თანხმობის და წინსვლის - პრეზიდენტი

9 აპრილი, 2021 , 15:11

საქართველოს პრეზიდენტი, სალომე ზურაბიშვილი ევროკავშირის მედიაციით საქართველოში გამართულ მოლაპარაკებების ორ რაუნდს გამოეხმაურა და თქვა, რომ დათმობაზე ორივე მხარე უნდა წასულიყო, თუმცა კომპრომისის გამბედაობა არც ხელისუფლება

ჩვენ ვდგამთ ნაბიჯებს, რათა შეთანხმება მოხდეს - არჩილ თალაკვაძე

9 აპრილი, 2021 , 14:15

ჩვენ როგორც ხელისუფლება მაქსიმალურად კონსტრუქციულად ვმუშაობთ და ვდგამთ ნაბიჯებს იმისთვის, რომ შეთანხმება მოხდეს - სწორედ ამის შედეგია განცხადებები, რასაც ბოლო ორი დღის განმავლობაში ოპოზიციის ჯანსაღი ნაწილისგან ვისმენთ, -

სიფრთხილე რომ გამოგვეჩინა, არ მივიღებდით არც პოზნერის ვიზიტით გამოწვეულ ვნებათაღელვას და არც გავრილოვს მივუშვებდით პარლამენტის თავმჯდომარის სავარძელში - სალომე ზურაბიშვილი

9 აპრილი, 2021 , 14:15

მეტი სიფრთხილით მივუდგეთ ყველა შესაძლო მანიპულირებას, რომლის ინიციატივაც შეიძლება, ქვეყნის გარედანაც მოდიოდეს. სიფრთხილე რომ გამოგვეჩინა, არ მივიღებდით არც პოზნერის ვიზიტით გამოწვეულ ვნებათაღელვას და არც გავრილოვს მივუშვ