უახლესი ამბები
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
- 19.04.2024 12:33პარლამენტმა „საგადასახადო კოდექსში“ ცვლილებები მესამე მოსმენით მიიღო
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
- 19.04.2024 11:13მიხეილ სარჯველაძე გაერო-ს ბავშვთა ფონდის წარმომადგენელ იესპერ მოლერს შეხვდა
არქივი
სამართალი
აგვისტოს ომის გამოძიების პროცესში რუსეთის ფედერაციისა და „სამხრეთ ოსეთის“ ჩართვა რთული აღმოჩნდა -ჰააგის სასამართლო
სისხლის სამართლის საერთაშორისო სასამართლოში (Iჩჩ), 2008 წლის აგვისტოს ომის გამოძიების საქმეში კონფლიქტის ყველა მხარის ჩართულობის აუცილებლობაზე საუბრობენ. ცნობილია, რომ რუსეთმა გამოძიებასთან თანამშრომლობაზე საწყის ეტაპზევე უარი თქვა.
Iჩჩ-ის პრესსპიკერ ფადი ელ აბდალას განცხადებით, ძალისხმევის მიუხედავად, აგვისტოს ომის გამოძიების პროცესში რუსეთის ფედერაციისა და „სამხრეთ ოსეთის“ ჩართვა რთული აღმოჩნდა.
ინფორმაციას საზოგადოებრივი მაუწყებელი ავრცელებს.
"საქართველოს მთავრობისაგან თანამშრომლობა ახლო პერსპექტივაშია. სამწუხაროდ, ძალისხმევის მიუხედავად, რუსეთის ფედერაციისა და „სამხრეთ ოსეთის“ პროცესში ჩართვა რთული აღმოჩნდა. თუმცა, პროკურორის ოფისმა ხაზი გაუსვა, რომ გამოძიება ამის მიუხედავადაც გაგრძელდება. პროკურატურის საგამოძიებო სამუშაო ნაკარნახევია დამოუკიდებლობის, მიუკერძოებლობისა და ობიექტურობის მთავარი პრინციპებით. პროკურორ ფატუ ბენსუდას ოფისი აგრძელებს ამ პრინციპებით ხელმძღვანელობას საქართველოს შემთხვევაშიც. ოფისი ასევე გააგრძელებს გამოძიების ალტერნატიული გზების გამოყენებას, მათ შორის საქართველოს ფარგლებს გარეთაც. ეს არ არის უნიკალური შემთხვევა, პროკურატურა წარსულშიც არაერთხელ წარმატებით გამკლავებია მსგავსი სირთულის გამოძიებებს", - განაცხადა ფადი ელ აბდალამ.
ცნობისათვის, ჰააგის სასამართლოს პროკურორმა ფატუ ბენსუდამ გამოძიების დაწყებაზე ნებართვა 2016 წლის იანვარში მიიღო. საქმე ეხება 2008 წლის 1 ივლისიდან 10 ოქტომბრის ჩათვლით პერიოდში კაცობრიობის წინაშე ჩადენილ დანაშაულზე. პრესსპიკერ ფადი ელ აბდალას თქმით, მანდატის გათვალისწინებით Iჩჩ-ის რეგისტრატურა პასუხისმგებელია მოწმეების დაცვის, განაჩენის აღსრულებისა თუ პალატის ბრძანებების შესრულების საკითხებზე, მათ შორის დაკავების ორდერის აღსრულებასა და აქტივების გაყინვაზე.